fbpx

شجاع آباد اظہار یکجہتی کشمیر ریلی

شجاع آباد (نمائندہ باغی ٹی وی ) پورے ملک کی طرح شجاع آباد میں بھی وزیر اعظم پاکستان جناب عمران خان صاحب کی ہدایت پر ایس سی کالج شجاع آباد کی جانب سے یوم یکجہتی کشمیر کے حوالے سے ریلی کا انعقاد کیا گیا ریلی کی قیادت رانا عمر نے کی ریلی میں طلباء ٹیچر حضرات اور سول سوسائٹی نے بھرپور انداز میں شرکت کی ۔ریلی میں موجود شرکاء نے پلے کارڈز اور بینرز اٹھا رکھے تھے اور کشمیر بنے گا پاکستان کے نعرے لگائے۔ مقررین نے اپنے خطاب میں کہا یہ عظیم الشان ریلی اس بات کا ثبوت ہے کہ پوری پاکستانی قوم اپنے مظلوم کشمیری بھائیوں کے ہمراہ کھڑی ہے کشمیر پاکستان کی شہ رگ ہے اور ہم کسی صورت اپنے کشمیری بھائیوں کو تنہا نہیں چھوڑیں گے آزادی کشمیریوں کا بنیادی حق ہے اور عالمی برادری کو اس مسئلے کو سنجیدگی سے لے کر اس کے حل کی کوشش کرنی چاہیے۔ کشمیر پاکستان کا حصہ ہے اور ہم انشااللہ کشمیر کو آزادی دلواکر ہی دم لیں گے ۔بھارت کشمیریوں پر ظلم اور بربریت کر رہا ہے ہماری بہنوں اور ماؤں کی عزت لوٹی جارہی ہے نوجوانوں اور بزرگوں کو شہید کیا جارہا ہے اور آزادی کی تحریک کو روکنے کے لیے نوجوانوں بزرگوں کو جیلوں میں ڈالا جا رہا ہے مودی سرکار نے کشمیر میں کرفیو نافذ کر کے کشمیریوں کو نظر بند کر رکھا ہے ہم آج مودی سرکار کو یہ پیغام دینا چاہتے ہیں کہ پوری پاکستانی قوم اپنے کشمیری بھائیوں کے ساتھ شانہ بشانہ کھڑی ہوئی ہے اور کشمیر کی آزادی تک ہم اپنے کشمیری بھائیوں کے ساتھ کھڑے ہیں اگر مودی سرکار کی حکومت نے پاکستان کے خلاف کسی بھی قسم کی کوئی مہم جوئی کی تو ہم ان کو یہ باور کرانا چاہتے ہیں کہ پوری پاکستانی قوم اپنی مسلح افواج کے ساتھ کھڑی ہے۔اور ہم اپنی مسلح افواج کے ساتھ مل کر بھارت کو منہ توڑ جواب دیں گے کشمیر کی آزادی ایک عالمی مسئلہ ہے اور عالمی برادریوں کو اس مسئلہ کے حل کی جانب سنجیدگی سے سوچنا ہوگا کشمیر کا مسئلہ دو ایٹمی طاقتوں کے درمیان میں ہے اگر خدانخواستہ جنگ ہوتی ہے تو پوری دنیا پر اس کے اثرات مرتب ہوں گے اور اس کا ذمہ دار صرف اور صرف بھارت ہی ہوگا ۔بھارت ایک دہشت گرد ملک ہے اور عالمی برادری بھارت کو دہشت گرد ملک ڈ کلیر کرے ۔بھارت نے دہشت گردی سے پورے خطے کا امن تباہ و برباد کر دیا ہے . رانا اظہر منیر نمائندہ باغی ٹی وی ملتان شجاع آباد