شجاع آباد یوم یکجہتی کشمیر کے حوالے سے ایک خوبصورت اور پر وقار تقریب کا انعقاد کیا گیا

شجاع آباد(نمائندہ باغی ٹی وی ) یوم یکجہتی کشمیر کے حوالے سے مین اللّه ہو چونک پر ایک خوبصورت اور پر وقار تقریب کا انعقاد کیا گیا اس تقریب کا انعقاد شجاعباد کے نامور شاعر اور اداکار قدیر شجاعبادی نے کیا کشمیر بنے گا پاکستان کے عنوان سے منعقد کی گئ تقریب میں قدیر شجاع آبادی نے اپنی اداکاری کے جوہر دکھا کے کشمیر کے مظلوم بھائیوں کے ساتھ اظہار یکجہتی کیا ۔ اس کے بعد مقررین نے یوم یکجہتی کشمیر کے حوالے سے اپنے خطابات پیش کیے مقررین نے کہا کہ مسئلہ کشمیر ایک بنیادی ایشو ہے جس کی طرف انٹرنیشنل برادری کو توجہ دینا چاہیے ۔مظلوم کشمیری عوام ایک عرصہ دراز سے ظلم کی چکی میں پس رہی ہیں مگر انٹرنیشنل برادری اس مسئلہ کی طرف خصوصی طور پر توجہ نہیں دے رہی۔ آزادی کشمیریوں کا بنیادی حق ہے اور پوری پاکستانی قوم اپنے کشمیری بھائیوں کے ساتھ شانہ بشانہ کھڑی ہے بھارت کو بتا دینا چاہتے ہیں کہ یہ ظلم اور بربریت کا سر گرم بازار اب زیادہ عرصے تک نہیں رہے گا انشاءاللہ وہ وقت دور نہیں جب کشمیری عوام آزادی کا سورج طلوع ہوتے دیکھیں گے ۔ رپورٹ رانا اظہر منیر نمائندہ باغی ٹی وی ملتان شجاع آباد