شمالی وزیرستان میں پاک فوج کا ایک اور جوان پاک مٹی پر ہوا قربان، دو دہشت گرد ہلاک

شمالی وزیرستان میں پاک فوج کا ایک اور جوان پاک مٹی پر ہوا قربان، دو دہشت گرد ہلاک

باغی ٹی وی کی رپورٹ کے مطابق شمالی وزیرستان کےعلاقے دتہ خیل میں دہشتگردوں کی موجودگی پرسیکیورٹی فورسزنے آپریشن کیا ہے

ڈی جی آئی ایس پی آر کے مطابق سیکیورٹی فورسزنےعلاقے کوگھیرے میں لے کرآپریشن کیا،دہشت گردوں کی فائرنگ سے تبادلے میں نائک عادل شہزاد نے جام شہادت نوش کیا۔شہید ہونے والافوجی جوان مانسہرہ کارہائشی تھا،32 سال کاشہید عادل شہزاد مانسہرہ کے گاؤں کریڑ کا رہائشی تھا،

ڈی جی آئی ایس پی آر کے مطابق فائرنگ کے تبادلے میں 2 دہشتگرد بھی مارے گئے،

واضح رہے کہ شمالی وزیرستان میں دہشت گردوں کے خلاف سیکورٹی فورسز کا آپریشن جاری ہے،10 اپریل کو بھی شمالی وزیرستان میں دہشت گردوں کے ٹھکانوں پر آپریشن کے دوران پاک فوج کے 2 جوان شہید ہو گئے تھے جبکہ پاک فوج کی فائرنگ سے 7 دہشت گرد ہلاک ہو گئے

ڈی جی آئی ایس پی آر کے مطابق دہشت گردوں کے خلاف آپریشن خفیہ اطلاع پر کیا گیا.دہشت گردوں کے خلاف آپریشن کے دوران پاک فوج کے دو جوانوں سپاہی مومن شاہ اور محمد ساجد نے جام شہادت نوش کیا تھا،شہید سپاہی مومن شاہ کا تعلق ڈی آئی خان اور شہید ساجد کا ایبٹ آباد سے ہے

قبل ازیں 8 اپریل کو بھی شمالی وزیرستان اور مہمند میں انٹیلی جنس بیسڈ آپریشن کے دوران 7 دہشت گرد مارے گئے تھے ۔ذرائع کےمطابق پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان اور مہمند میں انٹیلی جنس بیسڈ آپریشن کیا جس کے نتیجے میں 7 دہشت گرد مارے گئے۔

آئی ایس پی آر کے مطابق کارروائی شمالی وزیرستان کے عدل خیل گاؤں میں کی گئی، دہشت گرد علاقے سے فرار ہوتے ہوئے مارے گئے، دہشت گردوں سے اسلحہ، مواصلاتی آلات برآمد کرلیے گئے۔ آئی ایس پی آر کا کہنا ہے کہ مہمند میں آپریشن کے دوران 3 دہشت گرد مارے گئے، دہشت گردوں سے بھارتی ادویات، لٹریچر اور دیگر سامان برآمد ہوا ہے۔

واضح رہے کہ 9 مارچ کو سیکیورٹی فورسز کی جانب سے خفیہ اطلاعات پر ٹانک کے قریب کارروائی میں 2 انتہائی مطلوب دہشت گرد مارے گئے تھے جبکہ کرنل مجیب الرحمان شہید ہوگئے تھے۔

رواں سال جنوری میں سیکیورٹی فورسز کی شمالی وزیرستان میں کارروائی کے دوران 5 دہشت گرد ہلاک ہوئے جبکہ 2جوان شہید ہوگئے تھے، شہید ہونے والوں میں سپاہی محمد شمیم اور سپاہی اسد خان شامل تھے

جواب چھوڑیں

آپ کا ای میل ایڈریس شائع نہیں کیا جائے گا.