شمالی وزیرستان اور بلوچستان میں دہشتگردی کے پیچھے ملک دشمن عناصر ہیں, جماعت اسلامی

اسلام آباد : نائب امیر جماعت اسلامی پاکستان و سابق ممبر قومی اسمبلی میاں محمد اسلم نے وزیر ستان اور بلوچستان میں دہشت گردی کے واقعات میں 10جوانوں کی شہادت پر گہرے رنج و غم اور افسوس کا اظہار کرتے ہوئے کہا ہے کہ ہمیں اپنے بہادر نوجوانوں پر فخر ہے۔وزیر ستان اور بلوچستان میں دہشت گردی کے ان واقعات میں ملک دشمن عناصر کافرما ہیں ، جن کو بھارت اور دیگر دشمن قوتوں کی مکمل سپورٹ حاصل ہے۔ انھوں نے کہا کہ بھارت ، اسرائیل اور امریکہ پاکستان کو عدم ستحکام سے دوچا ر کرنے کے لیے اوچھے ہتھکنڈوں پر اُتر آئے ہیں ،معصوم اور بے گناہ افراد کو دہشت گردی کا نشانہ بنارہے ہیں۔ اب وقت آگیا ہے کہ اس گٹھ جوڑ کو عالمی برادری کے سامنے بے نقاب کیا جائے۔ان خیالات کا اظہار انھوں نے میرا بادی کے دورے کے موقع پر علاقے کی موثر شخصیات سے گفتگو کر تے ہوئے کیا ۔
میاں محمد اسلم نے کہا آئے روز بھارتی حکمرانوں کی طرف سے پاکستان بارے منفی خیالات اور دھمکی آمیز رویہ سامنے آتا رہتا ہے۔ ہندوستان پاکستان کے حوالے سے نفرت کی تمام حدود پار کرچکا ہے۔اگرہندوستان سمجھتا ہے کہ پاکستان ، اس کی فوج اور سول آبادی مغلوب ہوجائے گی تو یہ اس کی خام خیالی ہے۔انھوں نے کہا پاکستان اس وقت نازک صورتحال سے دوچار ہے۔ دشمن خطے میں اجارہ داری کا خواب دیکھ رہا ہے۔ اس کا یہ خواب کبھی شرمندہ تعبیر نہیں ہوگا۔

جواب چھوڑیں

آپ کا ای میل ایڈریس شائع نہیں کیا جائے گا.