سیالکوٹ، باغی ٹی وی( سٹی رپورٹر شاہد ریاض)ڈپٹی کمشنر کا تحصیل ہیڈ کوارٹر ہسپتال سمبڑیال اور ڈسکہ کا اچانک دورہ
ڈپٹی کمشنر سیالکوٹ کیپٹن (ر) شاہ میر اقبال کا تحصیل ہیڈ کوارٹر ہسپتال سمبڑیال اور ڈسکہ کا اچانک دورہ ، ٹی ایچ کیو ہسپتالوں میں زیر علاج مریضوں کی عیادت کی، سٹاف کی حاضری ، مریضوں کی دی جانے والی طبی سہولیات ، ادویات کی فراہمی اور صفائی ستھرائی کی صورتحال کا تفصیلی جائزہ لیا۔
ڈپٹی کمشنر نے ڈاکٹر اور سٹاف کو ہدایت کی کہ وہ علاج کی غرض سے آنے والے شہریوں سے اخلاق سے پیش آئیں اور ان کو بہترین طبی سہولیات کی فراہمی کو یقینی بنائیں ۔ ڈپٹی کمشنر نے ٹی ایچ کیو ہسپتال کے میڈیکل سپرنٹنڈنٹس کو ہدایت کی کہ وہ او پی ڈی میں مریضوں کے بیٹھنے کیلئے نشستوں کا اضافہ کریں اور پرانے بینچز اور چیئرکو مرمت اور رنگ کروائیں ۔
ڈپٹی کمشنر نے کہاکہ ڈاکٹر اور پیرا میڈیکس سے ان کے مسائل بھی سنیں اور ان کے حل کیلئے اقدامات کرنے کی یقین دہانی کرائی۔ انہوں نے کہاکہ ہسپتالوں میں صفائی ستھرائی کی معیاری سہولیات کی فراہمی کو یقینی بنانے کیلئے ٹھوس اقدامات کریں ۔
ڈپٹی کمشنر سمبڑیال میں تحصیل کمپلیکس اور میونسپل کمیٹی کے دفاتر کا بھی معائنہ کیا ۔ ڈپٹی کمشنرنے ڈسکہ میں جوڈیشنل کمپلیکس کے سامنے نہر پر زیر تعمیر پل کا بھی معائنہ کیا اور مواصلات کے حکام کو تعمیر جلد مکمل کرنے کی ہدایت کی ۔
