سیالکوٹَ،باغی ٹی وی( بیوروچیف شاہد ریاض) مسلم کالونی نزد ڈاکٹر حفیظ کلینک میں ایک گھر میں آگ لگ گئی۔ کچن میں گیس لیکیج کی وجہ سے بجلی کا بٹن دبانے پر آگ پورے کچن میں بھڑک اٹھی، جس نے ساتھ والے کمرے کو بھی اپنی لپیٹ میں لے لیا۔
ریسکیو 1122 نے بروقت پہنچ کر آگ پر قابو پا لیا۔ آگ لگنے سے دو خواتین متاثر ہوئیں، جن میں 40 سالہ آمنہ اور 33 سالہ طاہرہ شامل ہیں۔ ریسکیو 1122 نے انہیں ابتدائی طبی امداد کے بعد ہسپتال منتقل کر دیا۔
گھر کے مالک ذوالفقار کے مطابق آگ لگنے سے 3 لاکھ روپے مالیت کا گھریلو سامان کا نقصان ہوا، جبکہ ریسکیو کی بروقت کارروائی سے 30 لاکھ روپے مالیت کا سامان اور گھر کو بچا لیا گیا۔
