سیالکوٹ:ریسکیورز کی آپریشنل صلاحیتوں کو جانچنے کے لیے فرضی مشق کا انعقاد کیا گیا

سیالکوٹ، باغی ٹی وی(شاہد ریاض سٹی رپورٹر) ریسکیورز کی آپریشنل صلاحیتوں کو جانچنے کے لیے سینٹرل ریسکیو اسٹیشن پر فرضی مشق کا انعقاد کیا گیا۔
تفصیل کے مطابق ریجنل ایمرجنسی آفیسر گوجرانوالہ سید کمال عابد نے ریسکیو سیال کوٹ کا دورہ کیا اور گذشتہ 6 ماہ کا پرفامنس آڈٹ کیا۔ ریجنل ایمرجنسی آفیسر کے ہمراہ آڈٹ ٹیم کے ممبر ٹرانسپورٹ انچارج حامد، اکاؤٹنٹ گوجرانوالہ محمود، اسٹیشن کوآرڈینیٹر محمد رضا، سٹور انچارج رضوان اور وقاص کے علاوہ شفٹ انچارج سلیمی شامل تھے۔

ریجنل ایمرجنسی آفیسر نے سٹاف کی ظاہری حالت، پریڈ کے علاوہ ریسکیو وہیکلز کے اندر موجودسامان، سٹور کی انوینٹری، اکاؤنٹ آفس، ریسکیو وہیکلز کی مرمت کے معمالات و بلنگ اور کمیونٹی ٹریننگ کے ریکارڈ کی جانچ پڑتال کی۔ بعدازاں انہوں نے ریسکیورز کی آپریشنل صلاحیتوں کو جانچنے کے لیے سینٹرل ریسکیو اسٹیشن پر آگ لگنے کی صورت میں بلڈنگ میں پھنسے افراد کو ریسکیو کرنا اور آگ پر بروقت قابو پانے کی فرضی مشق بھی کروائی، جس میں ریسکیورز کی آپریشنل صلاحیتوں کو پرکھا گیا۔

اس موقع پر ڈسٹرکٹ ایمرجنسی آفیسر انجینئر نوید اقبال اور ریسکیو ڈسٹرکٹ وارڈن جمیل جنجوعہ بھی موجود تھے۔ ریسکیو محافظین نے بھی زخمیوں کو ابتدائی طبی امداد مہیا کرنے اورCPRکرنے کا عملی نمونہ پیش کیا۔ ریجنل ایمرجنسی آفیسر نے ریسکیورز کی صلاحیتوں پر اطمینان کا اظہار کرتے ہوئے ریسکیورز کو ضرور ہدایات بھی دیں۔ مزید براں انہوں نے کہا کہ اپنے ریکارڈ کو ہمیشہ اپ ڈیٹ رکھیں اور ریسکیورز ہر شفٹ میں آپریشنل صلاحیتوں کو بہتر بنانے اور ان میں نکھار پیدا کرنے کے لیے مشق لازمی کریں تا کہ کسی بھی ایمرجنسی یا ڈزاسٹر کی صورت میں بروقت امدادی کاروائیوں کا آغاز کر کے لوگوں کی جان و مال کی حفاظت کی جا سکے۔

Leave a reply