سیالکوٹ ،باغی ٹی وی (بیوروچیف شاہدریاض)پولیس میں بھرتی کے عمل کو مکمل کر لیا گیا، اور کامیاب امیدواروں کی فائنل میرٹ لسٹ جاری کر دی گئی ہے۔ اس سلسلے میں انٹرویو کا مرحلہ بھی مکمل کیا جا چکا ہے، جس میں 248 امیدواروں (مرد و خواتین) نے شرکت کی۔
فائنل لسٹ کے مطابق 75 امیدواروں کو مختلف آسامیوں پر منتخب کیا گیا ہے۔ ان میں 59 کانسٹیبل اور لیڈی کانسٹیبل اوپن میرٹ پر کامیاب ہوئے، جبکہ 11 لیڈی کانسٹیبلان کو 15 فیصد کوٹہ کے تحت منتخب کیا گیا۔ اسی طرح 4 کانسٹیبل اقلیتی کوٹہ اور 1 کانسٹیبل آرمی کوٹہ میں شامل کیا گیا ہے۔
آئی جی پنجاب کے سٹینڈنگ آرڈر کی روشنی میں 7 امیدواروں کی ویٹنگ لسٹ بھی جاری کر دی گئی ہے۔ کامیاب امیدواروں کو میڈیکل ٹیسٹ اور دیگر ضروری ویری فیکیشن کے لیے جلد مطلع کر دیا جائے گا۔
