سیالکوٹ: ریٹائرڈ پٹواریوں کی الوداعی تقریب، اسسٹنٹ کمشنر نے خدمات پر خراج تحسین پیش کیا

سیالکوٹ (باغی ٹی وی،بیوروچیف شاہدریاض): انجمن پٹواریان و گردواران تحصیل سیالکوٹ نے ریٹائرڈ ہونے والے پٹواریوں کی الوداعی تقریب کا اہتمام کیا۔ اس تقریب میں اسسٹنٹ کمشنر سیالکوٹ انعم بابر نے مہمان خصوصی کے طور پر شرکت کی۔

انجمن پٹواریان کے صدر آصف امین اعوان نے ریٹائرڈ ہونے والے پٹواریوں کی خدمات پر خراج تحسین پیش کرتے ہوئے کہا کہ انہوں نے اپنی زندگی عوامی خدمت کے لیے وقف کر دی۔

اسسٹنٹ کمشنر سیالکوٹ نے کہا کہ پٹواری معاشرے کا اہم حصہ ہیں اور ان کی خدمات کے بغیر معاشرہ نامکمل ہے۔ انہوں نے ریٹائرڈ ہونے والے پٹواریوں کو مبارکباد دیتے ہوئے ان کی بہتر زندگی کے لیے دعا کی۔ انہوں نے کہا کہ موجودہ پٹواریوں کو ان سے سیکھنا چاہیے۔

تقریب میں تحصیل سمبڑیال، تحصیل ڈسکہ اور تحصیل پسرور انجمن پٹواریان کے نمائندوں نے بھی شرکت کی۔