ڈاکٹرغلام مصطفی بڈانی
سیالکوٹ (باغی ٹی وی بیوروچیف شاہد ریاض) صوبائی وزیر تعلیم رانا سکندر حیات نے گورنمنٹ وویمن یونیورسٹی سیالکوٹ میں منعقدہ کتاب میلہ میں شرکت کے دوران یونیورسٹی کیلئے 110 ملین روپے کی خصوصی گرانٹ کا اعلان کیا۔ اس گرانٹ میں سے 60 ملین روپے سے یونیورسٹی کی سول سولرلائزیشن کی جائے گی جبکہ 50 ملین روپے سے انٹرمیڈیٹ بلاک کی ری ویمپنگ کی جائے گی۔
انہوں نے اعلان کیا کہ یونیورسٹی کی 3000 طالبات کو ہونہار اسکالرشپ کے تحت مفت تعلیم دی جائے گی جبکہ 500 طالبات کو لیپ ٹاپ بھی فراہم کیے جائیں گے۔ رانا سکندر حیات نے کہا کہ وزیراعلیٰ پنجاب مریم نواز شریف خواتین کی تعلیم کو خصوصی ترجیح دے رہی ہیں، اسی لیے صوبے بھر میں خواتین کو اسکالرشپس اور سکوٹیز فراہم کی جا رہی ہیں تاکہ وہ تعلیم کا سفر بغیر کسی رکاوٹ کے جاری رکھ سکیں۔
کتاب میلہ کے انعقاد پر مبارکباد دیتے ہوئے انہوں نے کہا کہ سٹوڈنٹس کو کتاب سے جوڑنے کے لیے ایسے میلوں کا انعقاد وقت کی اہم ضرورت ہے۔ اگرچہ جدید ٹیکنالوجی نے علم کے حصول کو آسان بنا دیا ہے، مگر کتاب سے سٹوڈنٹس کا تعلق باقی رکھنا بھی ضروری ہے۔ انہوں نے اعلان کیا کہ ایسے میلوں کی صوبے بھر میں حوصلہ افزائی کی جائے گی، یہی وجہ ہے کہ وہ خود ذاتی طور پر اس میلے میں شریک ہوئے۔
