سیالکوٹ: سینئر صحافی مہر مصطفیٰ کے والد کا انتقال،نمازجنازہ میں مختلف شخصیات کی شرکت

سیالکوٹ،باغی ٹی وی( بیوروچیف شاہد ریاض)سینئر صحافی مہر محمد مصطفیٰ کے والد انتقال کر گئے، نماز جنازہ میں مختلف شعبہ ہائے زندگی سے وابستہ افراد کی شرکت

پروفیشنل پرنٹ و الیکٹرانک میڈیا ایسوسی ایشن سیالکوٹ کے سرپرستِ اعلیٰ اور باغی ٹی وی کے نامہ نگار سینئرصحافی مہر محمد مصطفیٰ کے والد محترم طویل علالت کے بعد گزشتہ روز انتقال کر گئے۔ ان کی نماز جنازہ میں شہر بھر کی ممتاز شخصیات، صحافی برادری، وکلاء، سیاسی، سماجی اور رفاحی تنظیموں کے نمائندوں نے بڑی تعداد میں شرکت کی۔

نماز جنازہ کے موقع پر مرحوم کے لیے دعائے مغفرت اور لواحقین کے لیے صبر جمیل کی دعا کی گئی۔ اس موقع پر اہلِ علاقہ اور رفقاء نے مہر محمد مصطفیٰ سے اظہار تعزیت کرتے ہوئے ان کے والد کی دینی، اخلاقی و سماجی خدمات کو خراج عقیدت پیش کیا۔