سیالکوٹ ضمنی الیکشن، نواز شریف نے مریم نواز کو بڑا حکم دے دیا

سیالکوٹ ضمنی الیکشن، نواز شریف نے مریم نواز کو بڑا حکم دے دیا

باغی ٹی وی کی رپورٹ کے مطابق مسلم لیگ ن کی رہنما مریم نواز نے سیالکوٹ کی انتخابی مہم میں بھی حصہ لینے کا فیصلہ کر لیا

مریم نواز کل سیالکوٹ جائیں گی،مریم نواز سیالکوٹ میں جلسہ کریں گی،مریم نواز لاہور سے دو بجے سیالکوٹ روانہ ہونگی،مریم نواز کل سیالکوٹ میں جلسہ اور انتخابی ریلی نکالیں گی،مریم نواز کی ریلی مسلم لیگ ن سیالکوٹ کی خصوصی درخواست پر شیڈول کی گئی،لیگی رہنماؤں نے پارٹی قائد سے مریم نواز کے جلسے کےلیے خصوصی درخواست کی تھی، نوازشریف نے مریم نواز کوضمنی انتخاب میں مہم چلانے کی ہدایت کی،پی پی 38 کی نشست مسلم لیگ ن کے ایم پی اے خوش اختر سبحانی کے انتقال کے باعث خالی ہوئی تھی

مریم نواز کے جلسے کے لئے سیالکوٹ میں کارکنان نے تیاریاں شروع کر دی ہیں، اس ضمن میں اراکین قومی و صوبائی اسمبلی کو ٹاسک دیا گیا ہے کہ وہ دیگر اضلاع سے مریم نواز کے جلسے کے لئے کارکنان کو سیالکوٹ بھیجیں ،ایک کمیٹی بھی تشکیل دی گئی ہے جو مریم نواز کے جلسے کے تمام معاملات کو دیکھے گی

ڈسکہ ضمنی الیکشن کیس،جسٹس عمر عطا بندیال نے کی ن لیگی وکیل سلمان اکرم راجہ کی سرزنش

پریذائیڈنگ افسران پولیس اسکواڈ کے ساتھ لا پتہ ہوگئے؟ ڈسکہ ضمنی الیکشن کیس میں عدالت کا استفسار

واضح رہے کہ اس سے قبل ہونے والے ضمنی انتخابات میں اپوزیشن جماعتیں سیٹیں جیت چکی ہیں ،کراچی سے سابق وفاقی وزیر فیصل واوڈا کی چھوڑی ہوئی نشست پیپلز پارٹی نے جیت لی ہے جبکہ دیگر حلقوں سے بھی جہاں ضمنی الیکشن ہوئے ہیں حکمران جماعت کو شکست ہوئی ہے