fbpx

سیالکوٹ پسرور روڈ کی تعمیر سست روی کا شکار ، علاقہ مکینوں‌ کے لیے وبال جان بن گیا

سیالکوٹ پسرور روڈ کی تعمیر سست روی کا شکار ، علاقہ مکینوں‌ کے لیے وبال جان بن گیا

باغی ٹی وی : سیالکوٹ پسرور روڈ خستہ حال ہے سٹرک کی وجہ سے علاقہ مکین شدید پریشان ہیں . پسرور روڈ پر طالب علموں کو بھی شدید پریشانی کا سامنا کرنا پڑتا ہ جب ان کو اس خستہ حال سٹرک پر سفر کر کے کالچ جانا پڑتا ہے تو ان کا تعلیمی حرج بھی ہوتا ہے . سیالکوٹ پسرور روڈ کی تعمیر سست روی کا شکار ہے ، راستہ میں بجلی و ٹیلی فون کے کھمبے اور تجاوزات بھی تعمیراتی کام میں رکاوٹ بن گئے ۔

سیالکوٹ پسرور روڈ کی تعمیر عرصہ دراز قبل شروع ہوئی تھی لیکن مسلسل اس شاہراہ کی تعمیر سست روی کا شکار ہے ۔ سیالکوٹ پسرور روڈ پر سینکڑوں دیہات آباد ہیں جبکہ ہزاروں عوام روزانہ کی بنیاد پر اس شاہراہ کو استعمال کرتے ہیں۔ لوگوں کو بھی اس صورتحال میں سخت مشکلات کا سامنا کرنا پڑ رہا ہے ۔

زیر تعمیر روڈ میں ناقص میٹریل بھی استعمال ہو رہا ہے جس پر ضلعی حکومت اور تبدیلی سرکار خاموش ہے ۔ با اثر مافیا فنڈز ہڑپ کرنے کے لئے مختلف ہتھکنڈے استعمال کر رہا ہے ۔ شہری حلقوں نے سیالکوٹ پسرور روڈ کی تعمیر کا کام تیزکرنے کا مطالبہ کرتے ہوئے اپیل کی ہے کہ اس سڑک میں میرٹ کو نظر انداز نہ کیا جائے ۔علاقہ مکینوں کا کہنا ہے کہ با اثر مافیا فنڈز ہڑپ کرنے کے لئے مختلف ہتھکنڈے استعمال کر رہا ہے

جواب چھوڑیں

آپ کا ای میل ایڈریس شائع نہیں کیا جائے گا.