سیاست میں ہار جیت ہوتی رہتی ہے۔ دل بڑا کرنا چاہیے۔ مریم نواز

0
40

باغی ٹی وی کی رپورٹ کے مطابق پنجاب میں ضمنی الیکشن، ن لیگ نے شکست تسلیم کر لی

ن لیگ کی رہنما مریم نواز نے کہا ہے کہ مسلم لیگ ن کو کھلے دل سے نتائج تسلیم کرنا چاہییں۔ عوام کے فیصلے کے سامنے سر جھکانا چاہیے۔ سیاست میں ہار جیت ہوتی رہتی ہے۔ دل بڑا کرنا چاہیے۔ جہاں جہاں کمزوریاں ہیں، ان کی نشاندہی کر کے انھیں دور کرنے کے لیے محنت کرنی چاہیے۔ انشاءاللّہ خیر ہو گی۔

ن لیگی رہنما محمد زبیر کا کہنا ہے کہ آج مسلم لیگ ن کیلئے خراب رزلٹ آیا،اس الیکشن کا اثر پورے پاکستان پر جائے گا، عام انتخابات اگلے سال ہوں گے نواز شریف ہوتے تو حالات مختلف ہوتے،میاں نواز شریف خود پاکستان میں ہوتے تو شاید نتیجہ مختلف ہوتا،مریم نواز نے اچھی انتخابی مہم چلائی، مریم نواز کی اچھی مہم کی وجہ سے ووٹرز کا ٹرن آؤٹ اچھا رہا، پی ٹی آئی کو خیبر پختونخوا اور سندھ میں مسلم لیگ ن پر برتری ہے

پنجاب کا نیا وزیراعلیٰ کون آئے گا، اسد عمر نے اعلان کر دیا

دوسری جانب تحریک انصاف کے مرکزی سیکریٹریٹ میں جشن منایا جا رہا ہے مرکزی سیکریٹری جنرل اسد عمر سمیت دیگر قائدین موجود ہیں ،اسد عمر کا کہنا تھا کہ آج پاکستان کی سیاسی تاریخ کا اہم دن ہے،پی ٹی آئی 16سے 17سیٹیں جیتے گی 60،70سالوں سے بندکمروں کے اندر پاکستان کے فیصلے ہوتے تھے عمران خا ن نے کل تحریک انصاف کی کورکمیٹی کااجلاس بلایا ہے،آج عوام نے پیغام دے دیا کہ غلامی نامنظور،ابھی تک جو نتائج آچکے ہیں اس میں بھاری اکثریت پی ٹی آئی کو ملی ہے،کل 3بجے کور کمیٹی کے اجلاس کے بعد آگے کا لائحہ عمل طے کریں گے 22جولائی کو بس ایک رسمی کارروائی رہ گئی ہے مریم نواز کے بیان کا خیر مقدم کرتے ہیں،وزیراعلیٰ پنجاب کیلئے پرویز الہٰی امیدوار ہیں اور رہیں گے، اس نظام میں نقصان ہی نقصان ہے،آگے الیکشن کی طرف جانا چاہئے

شیخ رشید کا کہنا ہے کہ میں تو13 سے 14نشستیں دیکھ رہا تھا،اسٹیبلشمنٹ نے اس الیکشن میں بہت اچھا کردار ادا کیا،اب یوٹرن لیا جائے اور قومی اسمبلی کا الیکشن بھی کرایا جائے،میں رانا ثنااللہ کی طرح دو ڈھائی مہینہ پہلا بیان نہیں دیتا،اس قوم نے عمران خان کو اپنا لیڈر منتخب کر لیا ہے،

سپیکر پنجاب اسمبلی چودھری پرویز الہیٰ کا کہنا تھا کہ عمران خان نے جو حکمت عملی بنائی وہ کمال تھی،مونس الہٰی کو کریڈٹ دوں گا اس نے مجھے پکڑ کر رکھا کہ ہلنا نہیں ،عمران خان نے جو حکمت عملی بنائی وہ کمال بنائی،میں سوچوں گا نہیں دو منٹ میں اسمبلی توڑ دوں گا،مشورہ ضروردوں گا لیکن عمل عمران خان کا ہوگا،ڈائیلاگ سیاست کا حصہ ہیں ہوتے رہتےہیں،

فواد چوھدری کا کہنا تھا کہ لوگوں نے پنجاب حکومت بنانے کیلئے ووٹ نہیں دیا، لوگوں نے عمران خان کے بیانیے کو ووٹ دیا ہے،ہماری طرف سے وزیر اعلیٰ کے امیدوار پرویز الہٰی ہی ہوں گے، موجودہ الیکشن کمیشن کے ساتھ جنرل الیکشن میں جانا زیادتی ہو گی، مسلم لیگ ن جنرل الیکشن کی طرف آجائے تو حالات بہتری کی طرف آجائیں گے

قمر زمان کائرہ کا کہنا تھا کہ تحریک انصاف کی کامیابی ایک بڑا سرپرائز ہے، میرے خیال میں اب زیڈ اور وائی والی باتیں ختم ہونی چاہییں جن سیٹوں پر الیکشن ہوا 2018میں تحریک انصاف نے جیتی تھیں، موجودہ صورتحال میں حکومت پر مزید دباوبڑھے گا

Leave a reply