fbpx

سدھارتھ شکلا کی موت کے بعد شہناز گل کا پہلا انٹرویو سوشل میڈیا پر وائرل

بھارت کی معروف اداکارہ اور بگ باس کی مشہور کھلاڑی شہناز گِل کا اپنے قریبی دوست آنجہانی اداکار سدھارتھ شکلا کی موت کے بعد دیا گیا پہلا انٹر ویو سوشل میڈیا پر وائرل ہورہا ہے۔

باغی ٹی وی : بھارتی میڈیا کے مطابق شہناز گِل سدھارتھ شکلا کی موت کے بعد تقریباً ایک سے زائد ماہ تک منظر سے غائب رہنے کے بعد اب میڈیا کے سامنے آئی ہیں اور15 اکتوبر کو ریلیز ہونے والی اپنی فلم ’حوصلہ رکھ‘ کی پروموشن میں مصروف ہیں۔

فلم کی پروموشن کے دوران شہناز گِل نے سدھارتھ شکلا کی موت کے بعد پہلا انٹرویو دیا جو سوشل میڈیا پر وائرل ہو رہا ہے –

آریان خان منشیات کیس: شاہ رخ خان کو ملی خوشخبری

انہوں نے انٹرویو میں کہا کہ وہ کافی جذباتی ہیں اور انہیں جذبات پر قابو نہیں رہتا اداکارہ نے کہا کہ میں بہت اونچا ہنستی ہوں، اور روتی بھی کافی اونچا ہوں۔

شہناز کی ویڈیو پر صارفین کی بڑی تعداد نے فلم میکرز کو تنقید کا نشانہ بناتے ہوئے کہا کہ شہناز کی حالت دیکھی جاسکتی ہے، انہیں یوں پروموشن کیلئے میڈیا کا سامنا کرنے پر زور نہیں دینا چاہیے۔

شہناز گل جلد ہی دلجیت دوسانج اور سونم باجوہ کے ساتھ ایک پنجابی فلم حوصلہ رکھ میں نظر آئیں گی۔ یہ فلم سدھارتھ شکلا کی موت کے بعد ان کا پہلا پروجیکٹ ہے اس میں وہ ایک چھوٹی بچی کی ماں کا کردار ادا کر رہی ہیں-

واضح رہے کہ رواں برس 2 ستمبر کو مشہور رئیلیٹی شو بگ باس سیزن 13 کے فاتح سدھارتھ شکلا 40 برس کی عمر میں اچانک دل کا دورہ پڑنے کے باعث انتقال کرگئے تھے سدھارتھ شکلا ممبئی میں اپنی رہائش گاہ میں مردہ حالت میں پائے گئے تھے۔ ان کی موت پر ممبئی پولیس نے ’حادثاتی موت‘ کا مقدمہ درج کرلیا ہے رپورٹس کے مطابق اداکار کی طبیعت رات کو خراب ہوئی تھی جس کے بعد وہ دوا کھاکر سوگئے تھے لیکن صبح اٹھ نہیں سکے تھے۔

دھرمیندر کی پہلی گاڑی سوشل میڈیا پر وائرل ،قیمت کتنی جان کر حیران رہ جائیں