سندھ اسمبلی پر کرونا کے وار جاری، پیپلز پارٹی کی اہم ترین شخصیت کرونا کا شکار

0
17

باغی ٹی وی کی رپورٹ کے مطابق پاکستان میں کرونا کا پھیلاؤ تیزی سے جاری ہے، اراکین سندھ اسمبلی میں کرونا کی تشخیص ہو رہی ہے

اب خبر آئی ہے کہ رکن سندھ اسمبلی شہلا رضا میں بھی کرونا کی تشخیص ہوئی ہے جس کے بعد انہوں نے خود کو قرنطینہ کر لیا ہے،شہلا رضا نے سماجی رابطے کی ویب سائٹ ٹویٹر پر کرونا وائرس کی تشخیص کی تصدیق کی ہے، شہلا رضا کا کہنا تھا کہ علامات ظاہر نہ ہونے پر فی الحال گھر پر ہی ہوں

شہلا رضا نے اپنی کرونا ٹیسٹ کی رپورٹ ٹویٹر پر شیئر کرتے ہوئے کہا کہ دعا کی درخواست، گھر والوں کے ٹیسٹ کروائے گئے ہیں ،انکی رپورٹ کا انتظار ہے

واضح رہے کہ پاکستان میں کئی اراکین قومی و صوبائی اسمبلی، اراکین سینیٹ کرونا کا شکار ہو چکے ہیں،سابق وزیر اعظم شاہد خاقان عباسی ، سابق وزیراعظم یوسف رضا گیلانی، قومی اسمبلی میں قائد حزب اختلاف شہباز شریف ، سابق اسپیکر قومی اسمبلی ایازصادق ، وزیر ریلوے شیخ رشید ،کشمیر کمیٹی کے چیئرمین شہر یار آفریدی، رکن پنجاب اسمبلی سیف الملوک کھوکھر، پی پی کے رہنما سینیٹر مولا بخش چانڈیو، لیگی رہنما سلمان رفیق ، بلوچستان کے وزیرخزانہ ظہور بلیدی بھی کرونا کا شکار ہو چکے ہیں

سابق کرکٹر شاہد آفریدی بھی کورونا وائرس میں مبتلا ہو گئے ہیں۔مسلم لیگ ن کی رہنما مریم اورنگزیب کا بھی کرونا ٹیسٹ مثبت آیا ہے، سینیٹر ثنا جمالی اور متحدہ قومی موومنٹ کے ایم این اے اُسامہ قادری بھی کرونا کا شکار ہو چکے ہیں

چند روز قبل جمعیت علما اسلام سے تعلق رکھنے والے رکن بلوچستان اسمبلی سید فضل آغا کورونا کے باعث جان کی بازی ہار چکے ہیں۔ اسی طر ح نواب ثنا اللہ زہری دور حکومت میں صوبائی وزیر صنعت رہنے والے سردار در محمد ناصر بھی کورونا کا شکار ہوکر وفات پا چکے ہیں

کرونا مریضوں میں اضافہ، کراچی میں آغا خان ہسپتال سمیت دیگر نے مریض لینے سے انکار کر دیا

لیاقت نیشنل ہسپتال کا کارنامہ،ٹریفک حادثہ میں جاں بحق خاتون کو کرونا مثبت قرار دیکر لاش ضبط کر لی

کرونا کے کتنے مریض وینٹی لیٹرز پر ہیں؟ وہ کونسا صوبہ جہاں وینٹی لیٹرز پر کوئی مریض نہیں؟

بلوچستان کے علاقے ڈیرہ بگٹی سے رکن قومی اسمبلی اور جمہوری وطن پارٹی کے سربراہ نوابزادہ شاہ زین بگٹی بھی کرونا وائرس کا شکار ہو چکے ہیں اور انہوں نے خود کو قرنطینہ کر رکھا ہے

شکریہ عمران خان، آپ نے میرے والد کی زندگی خطرے میں ڈال دی،یوسف رضا گیلانی کے بیٹے کی تنقید

Leave a reply