ہم جو بھی کام کرتے ہیں سوشل میڈیا پراس کا پردہ چاک کردیا جاتا ہے ،ایسے عناصرکوروکا جائے ، سندھ حکومت کا ایف آئی اے سے مطالبہ

کراچی :ہم جو بھی کام کرتے ہیں سوشل میڈیا پراس کا پردہ چاک کردیا جاتا ہے ،ایسے عناصرکوروکا جائے ، سندھ حکومت کا ایف آئی اے سے مطالبہ،اطلاعات کے مطابق سندھ حکومت کے خلاف گمراہ کن آڈیو اور ویڈیو ٹیپ پھیلائی گئیں جس میں صنعتکاروں اور تاجروں سے رشوت طلبی کا الزام لگایا گیا

وزیراعلیٰ سندھ کے مشیر برائے قانون بیرسٹر مرتضیٰ وہاب نے وفاقی تحقیقاتی ادارے (ایف آئی اے) کو سندھ حکومت کے خلاف سوشل میڈیا مہم پر خط لکھ کر قانونی کارروائی کا مطالبہ کردیا۔ سندھ حکومت کے ترجمان و مشیر قانون مرتضیٰ وہاب نے ایف آئی آئی کو خط میں لکھا ہے کہ سندھ حکومت کے خلاف گمراہ کن آڈیو اور ویڈیو ٹیپ پھیلائی گئیں جس میں صنعتکاروں اور تاجروں سے رشوت طلبی کا الزام لگایا گیا۔

انہوں نے مزید کہا کہ سوشل میڈیا پر دو جعلی آڈیو ٹیپ وائرل کی گئیں جبکہ تحریک انصاف کے رہنما حلیم عادل شیخ نے بھی جعلی آڈیو سوشل میڈیا پرشیئرکی تاہم تاجر اور صنعتکاروں نے بے بنیاد الزمات کی خود تردید کی۔خط کے متن کے مطابق سندھ حکومت کے خلاف من گھڑت مہم چلائی گئی جس کا مقصد سندھ حکومت کو متزلزل کرنا ہے۔

خیال رہے کہ صوبے میں کورونا وائرس کا پھیلاؤ روکنے کیلئے 23 مارچ سے لاک ڈاؤن جاری ہے جبکہ صوبائی حکومت نے لاک ڈاؤن میں نرمی کرتے ہوئے تاجروں کو طے کردہ ضابطہ کار پر عمل درآمد کرتے ہوئے کاروبار کی اجازت دے دی ہے۔

جواب چھوڑیں

آپ کا ای میل ایڈریس شائع نہیں کیا جائے گا.