پاک سر زمین پارٹی(پی ایس پی) کے وائس چئیرمین ارشد وہرہ کا کہنا ہے کہ سندھ حکومت کراچی کے ہر ٹاؤن میں ویکسینیشن سینٹر کے قیام کو یقینی بنائے-
باغی ٹی وی :تفصیلات کے مطابق پی ایس پی کے وائس چئیرمین ارشد وہرہ نے حکومت سندھ سے مطالبہ کیا ہے کہ ویکسینیشن سینٹرز پر غیر معمولی رش کے باعث عوام شدید اذیت کا شکار ہیں تاہم سندھ حکومت کراچی کے ہر ٹاؤن میں ویکسینیشن سینٹر کے قیام کو یقینی بنائے-
ارشد وہرہ کا کہنا تھا کہ سندھ حکومت پاکستان کے سب سے بڑے شہر کراچی میں بڑے پیمانے پر ویکسینیشن کے نظام کو بہتر اور مربوط بنا کر عوام کو اذیت سے نجات دلوائے-
واضح رہے کہ اس سے قبل پاک سرزمین پارٹی کے سیکرٹری جنرل حسان صابر نے کہاتھا کہ 46 روپے فی لیٹر پیٹرول اور تبدیلی کے جھوٹے خواب دکھا کر بھیانک تعبیر دینے والوں نے آج پیٹرول 120 روپے فی لیٹر کردیا ہے۔
انہوں نے کہا تھا کہ پیٹرولیم مصنوعات کی قیمتیں لگاتار دسویں مرتبہ بڑھانا انتہائی ظالمانہ اقدام ہے۔ نااہلی اور ظلم میں تحریک انصاف اور پیپلزپارٹی ایک سکے کے دو رخ ہیں۔ پیٹرولیم مصنوعات اور دیگر اشیاء کی بڑھتی ہوئی قیمتوں کی زمہ داری اب سابقہ حکومتوں پر نہیں ڈالی جا سکتی۔
پاکستانی رواں سال بھی عمرہ کی سعادت حاصل نہیں کر سکیں گے، سعودی حکومت کا فیصلہ
حسان صابر نے کہا تھا کہ کورونا وبا کی آڑ میں پہلے ہی پاکستان کے معاشی حب کراچی کے کاروبار کو تباہ کیا جا رہا ہے اس پر وفاقی حکومت کی خاموشی، روپے کی بے قدری، مہنگائی کے طوفان اور پیٹرولیم مصنوعات کی قیمتوں میں لگاتار اضافے کا باعث ہے۔
ایڈوکیٹ حسان صابر نے مطالبہ کیا تھا کہ کورونا کی اس نئی لہر کے تناظر میں حکومت عوام کو ریلیف فراہم کرے اور پیٹرولیم مصنوعات کی قیمتوں میں اضافہ فی الفور واپس لیا جائے۔