fbpx

سندھ حکومت کا غیرقانونی عمارتوں کو بچانے کا فیصلہ

کراچی : سندھ حکومت کا غیرقانونی عمارتوں کو بچانے کا فیصلہ

سندھ حکومت نے خلاف ضابطہ رہائشی تعمیرات کو قانونی تحفظ دینے کا فیصلہ کرتے ہوئے اعلان کیا ہے کہ آرڈیننس کے ذریعے غیر قانونی عمارت اور رہائشی منصوبوں کو ریگولائز کیا جائے گا تاہم اس میں ملوث بلڈرز پر جرمانہ عائد کیا جائے گا۔

وزیر اعلیٰ سندھ سید مراد علی شاہ کا کہنا ہے کہ صوبائی کابینہ کی منظوری کے بعد آرڈیننس گورنر کو بھیجا جائے گا جبکہ ريٹائرڈ جج کي سربراہی ميں ايک کميشن تشکيل ديا جائے گا جو غیر قانونی رہائشی منصوبوں کو ریگولائز کرنے کا فیصلہ کرے گا۔

دریں اثناء صوبائی وزير سعيد غنی کا کہنا ہے کہ پنجاب ميں ايسا آرڈيننس لايا جاسکتا ہے تو باقی صوبوں ميں کيوں نہيں لایا جاسکتا۔

سعید غنی نے کہا کہ پنجاب حکومت نے 6 ہزار سوسائٹيوں کوريگولرائزڈ کرنے کے لیے آرڈيننس جاری کیا تو پھر یہی پيمانہ ديگرصوبوں کے لیے کيوں نہيں ہے ہوسکتا۔

ان کا کہنا تھا کہ سرکاری زمين پربسنے والی پرانی آبادی کوريگولرکرنے کی اجازت ہونی چاہيے۔ ان کامزید کہنا تھا کہ متاثرين کي تعداد لاکھوں ميں ہو تو انہیں بے گھر ہونے سے بچانا حکومت کی ذمہ داری ہے ۔

Facebook Notice for EU! You need to login to view and post FB Comments!