صوبہ سندھ میں دو ٹانگوں والے چوہے گندم کھا گئے،علی زیدی کی سندھ حکومت پر تنقید

حیدرآباد: وفاقی وزیربرائے بحری امورعلی زیدی نے کہا ہے کہ بلاول زرداری اسلام آباد آئیں، چائے پلائیں گے۔

باغی ٹی وی : حیدر آباد میں پریس کانفرنس سے خطاب کرتے ہوئے علی زیدی نے کہا کہ سندھ کے حالات سب کے سامنے ہیں گزشتہ 15 سالوں سے آصف زرداری یہاں حکومت کر رہے ہیں۔

جس حوالات میں آج میں ہوں جلد اسی حوالات میں عمران خان ہوگا۔ محسن بیگ

وفاقی وزیرعلی زیدی نے کہا کہ حکومت سندھ نے پولیس سمیت تمام اہم اداروں کو تباہ حال کردیا ہے انہوں نے الزام عائد کیا کہ آئی جی سندھ بلاول ہاؤس سے ڈکٹیشن لے رہے ہیں صوبے میں دو ٹانگوں والے چوہے گندم کھا گئے ہیں۔

انہوں نے کہا کہ سندھ میں 19 ارب کی گندم غائب ہوئی ہے یہاں گندم چوری اور ذخیرہ کی جا رہی ہے جس کی وجہ سے وفاقی حکومت کو گندم درآمد کرنا پڑتی ہے زرداری مافیا پاکستان کے مفادات کے خلاف کام کر رہا ہے اور مال بنا رہا ہے یہاں کے اسپتالوں کی حالت بھی بہت خراب ہے۔

انہوں نے دعویٰ کیا کہ سندھ میں پاکستان تحریک انصاف کی جڑیں بہت گہری ہیں کراچی اور حیدرآباد جیسے بڑے شہروں کا ملکی معاشی ترقی میں نہایت اہم کردار ہے۔

وفاقی وزیر نے کہا کہ بلاول زرداری اسلام آباد آئیں، چائے پلائیں گے 26 فروری کو ہمارا شروع ہونے والا لانگ مارچ 6 مارچ کو کراچی پہنچے گا۔

نیب والے کیس بناتے ہیں تو اسے ختم بھی کیا کریں،سپریم کورٹ

خیال رہے کہ پاکستان پیپلز پارٹی کے شریک چیئرمین و سابق صدر آصف علی زرداری نے کہا تھا کہ پیپلزپارٹی کا لانگ مارچ ایک کامیاب لانگ مارچ ثابت ہو گا حال ہی میں سابق صدر آصف زرداری نے پارٹی رہنماوں سے ملاقات کی تھی جس میں سینیٹر سلیم مانڈوی والا، رخسانہ بنگش اور دیگر رہنما موجود تھے ملاقات میں سینیٹر سلیم مانڈوی والا نے آصف زرداری کو لانگ مارچ سے متعلق تیاریوں پر بریفنگ دی۔ اس کے علاوہ پنجاب میں اہم ملاقاتوں اور لانگ مارچ سے متعلق دیگر امور پر بھی مشاورت کی گئی۔

آصف زرداری نے اس موقع پر کہا تھا کہ موجودہ حکومت معاشی اور سفارتی سطح پر مکمل ناکام ہو چکی ہے، عوام کو ریلیف فراہم کرنے کے حکومتی دعوے جھوٹ ثابت ہو چکے ہیں۔

عورت مارچ کو روکا جائے،وزیر مذہبی امور کے خط کے بعد بحث جاری

دوسری جانب تحریک عدم اعتماد لانے پر تنقید کرتے ہوئے وفاقی وزیر اطلاعات و نشریات فواد چودھری نے الزام عائد کیا کہ اپوزیشن والے بڑے چورہیں وہ اپوزیشن تحریک عدم اعتماد کیا لائے گی جس کے اپنے گھر والے اس پر اعتماد نہیں کرتے ہیں بیٹی کیسز بھگت رہی ہے جب کہ باپ اور بیٹے لندن میں ہیں تحریک عدم اعتماد کا ڈرامہ صرف اپنے کیسز معاف کرانے کے لیے کیا جا رہا ہے۔

انہوں نے کہا کہ اس ملک کو بچانے والا ایک ہی لیڈر ہے اور وہ عمران خان ہیں۔ انہوں نے استفسار کیا کہ ملک میں ترقیاتی کام آج سے پہلے کس حکومت نے کیے تھے؟-

گردوغبارختم:سیاسی بادل جلد چھٹ جائیں گےاورموسم صاف ہوجائےگا:چودھری پرویز الٰہی