جامعہ سندھ میں ایم ایس،ایم فل پروگرامز میں داخلے کے لیے انٹری ٹیسٹ کا شیڈیول جاری

0
46
جامعہ سندھ میں ایم ایس،ایم فل پروگرامز میں داخلے کے لیے انٹری ٹیسٹ کا شیڈیول جاری #Baaghi

جامعہ سندھ میں ایم ایس/ ایم فل پروگرامز میں داخلے کے لیے انٹری ٹیسٹ کا شیڈیول جاری، مختلف شعبوں میں ٹیسٹ 28 جون سے 2 جولائی تک منعقد ہونگے، تیاریاں مکمل

باغی ٹی وی : جاتفصیلات کے مطابق معہ سندھ جامشورو کی جانب سے تعلیمی سال 2021ء کیلئے ایم ایس/ ایم فل ڈگری پروگرامز میں داخلوں کے لیے پری انٹری ٹیسٹ کا شیڈیول کا اعلان کیا گیا ہے، جس کے تحت انٹری ٹیسٹ 28 جون سے 2 جولائی 2021ء تک منعقد ہونگے۔

اس ضمن میں ڈائریکٹر ریسرچ اینڈ گریجویٹ اسٹڈیز کے مطابق انگلش لنگوسٹکس، انگلش لٹریچر، بزنس ایڈمنسٹریشن، کامرس، اسلامک کلچر، اردو، سندھی، پبلک ایڈمنسٹریشن، اکنامکس، سوشالوجی، مسلم ہسٹری، کرمنالوجی، انٹرنشنل رلیشنز، پولیٹیکل سائنس، سائکالوجی، جینیٹکس، ِبایو ٹیکنالوجی، مائکرو بایئولاجی اور بایو کمسٹری کے امیدواروں سے انٹری ٹیسٹ 28 جون کو صبح 10 بجے متعلقہ شعبوں میں منعقد کیا جائے گا۔

اسی طرح زولاجی، آئی ٹی، سافٹ ویئر انجنئرنگ، ڈیٹا سائنسز، ٹیلی کمونیکیشن، الیکٹرانکس، کمپیوٹر سائنس، میتھمیٹکس، فزکس، آرگینک کیمسٹری، ان آرگینک کیمسٹری، فزیکل کیمسٹری اور اینالیٹیکل کیمسٹری میں ٹیسٹ 29 جون کو صبح 10 بجے منعقد ہوگا۔

کیمیکل سائنسز، جاگرافی، باٹنی، فزیالوجی، انوائرنمنٹل سائنسز، فزیکل ایجوکشن اینڈ ہیلتھ، جینڈر اسٹڈیز، اسٹیٹسٹکس، فارماسیوٹکس، فارماکوگنوسی، فارماکولوجی اور فارمیسی پریکٹس میں انٹرنس ٹیسٹ یکم جولائی کو متعلقہ شعبوں مں لیا جائے گا ۔

دوسری جانب ایجوکشن، فیکلٹی میں انٹری ٹیسٹ 2 جولائی کو ایلسا قاضی کیمپس حیدرآباد میں منعقد ہوگا۔ انٹری ٹیسٹ کیلئے تیاریاں مکمل کرلی گئی ہیں۔

Leave a reply