سندھ میں مختلف سرکاری اداروں کے لئے سرکاری زمین مختص

سندھ میں عوامی مقاصد کے لئے مختلف سرکاری اداروں کے لئے سرکاری زمین مختص

باغی ٹی وی کی رپورٹ کے مطابق چیف سیکریٹری سندھ سید ممتاز علی شاہ کی صدارت میں لینڈ ریزرویشن کمیٹی کا اجلاس ہوا.

اجلاس میں صوبے کے مختلف علاقوں میں سرکاری زمین کے عوامی مقاصد کے لئے مختلف سرکاری اداروں کے لئے مختص کی گئی ،اجلاس میں جامعہ این ای ڈی مٹھی کیمپس کے لئے 300 ایکڑ زمین مختص کی گئی۔ ڈیزرٹ سفاری پارک مٹھی کے لئے 10 ایکڑ زمین مختص کی گئی۔

اجلاس میں سکھر میں لینڈ فل سائیٹ کے لئے 100 ایکڑ زمین مختص کی گئی۔ سندھ مدرستہ الاسلام کے لئے کراچی کے ضلعی ویسٹ میں کیمپس قائم کرنے کے لئے 10 ایکڑ زمین مختص کی گئی۔ جامشورو پولیس لائین کے لئے 90 ایکڑ زمین مختص کی گئی۔ گورنمینٹ بوائز ڈگری کالج ڈھرکی کے لئے 4 ایکڑ زمین مختص کی گئی۔

چیف سیکریٹری سندھ سید ممتاز علی شاہ کی صدارت میں لینڈ ریزرویشن کمیٹی کا اجلاس#baaghitv pic.twitter.com/nBioV3yINa

— Baaghi TV باغی ٹی وی (@BaaghiTV) May 21, 2020

چیف سیکریٹری سندھ سید ممتاز علی شاہ کا کہنا تھا کہ سرکاری زمین کے کورٹ مقدمات کی بھرپور پیروی کی جائے۔ سرکاری زمینوں کے رکارڈ میں جعلسازی کرنے والے افراد کے خلاف کاروائی کو یقینی بنایا جائے۔

اجلاس میں سینیئر میمبر بورڈ آف ریونیو، سیکریٹری خزانہ، سیکریٹری لینڈ یوٹیلائیزیشن، سیکریٹری بلدیات اور سیکریٹری یونیورسٹی و بورڈ سمیت متعلقہ افسران شریک رہے،