سندھ :جعلی ڈومیسائل پر دیگر صوبوں سے800 سے زائد اساتذہ بھرتی ہونےکا انکشاف

کراچی : سندھ بھر میں جعلی ڈومیسائل پر دیگر صوبوں سے 800 سے زائد اساتذہ بھرتی کیے جانے کا انکشاف ہوا ہے۔میر پور خاص کے ڈسٹرکٹ آفیسر ایجوکیشن کے مطابق سندھ بھر میں دیگرصوبوں کے 800 اساتذہ بھرتی کیےگئے، 291 پرائمری اور 509 جونیئر اسکول ٹیچرز بھرتی ہوئے۔

ڈسٹرکٹ آفیسر ایجوکیشن کے مطابق میرپورخاص میں24 اور سانگھڑ میں 37 دیگر صوبوں کے امیدوار بھرتی ہوئے،کراچی ایسٹ میں سب سے زیادہ 118 بھرتیاں ہوئیں، باقی بھرتیاں دیگر علاقوں میں کی گئیں۔انہوں نے بتایا کہ اسکینڈل سامنے آنےکے بعد تمام تعیناتیاں روک دی گئی ہیں اور معاملہ سیکرٹری تعلیم کی شکایات کمیٹی کے سپردکردیا گیا ہے۔

سندھ میں انٹر بورڈز کے امتحانات کی تاریخوں کا اعلان کردیا گیا۔صوبائی وزیر تعلیمی بورڈز اسماعیل راہو نے سندھ میں انٹرامتحانات کی تاریخوں کا اعلان کیا ہے۔اسماعیل راہو کے مطابق لاڑکانہ، میرپورخاص، سکھر اور شہید بینظیر آباد میں انٹر امتحانات 10جون سے ہوں گے۔صوبائی وزیر کے مطابق کراچی میں 18جون اور حیدرآباد میں 15 جون سے انٹر امتحانات شروع ہوں گے۔

دوسری جانب راولپنڈی میں بورڈ آف انٹرمیڈیٹ اینڈ سیکنڈری ایجوکیشن نےملتوی امتحانات کی نئی ڈیٹ شیٹ جاری کردی ہے۔

ترجمان تعلیمی بورڈ راولپنڈی کے مطابق پرچے 11 سے 16 جون تک ہوں گے، ہائر ایجوکیشن پنجاب نے پیپرلیک ہونے پر 5 پرچےمنسوخ کر دیے تھے۔ ڈسٹرکٹ آفیسر ایجوکیشن کا مزید کہنا ہےکہ تمام ڈپٹی کمشنرز کو اساتذہ کے ڈومیسائل اور پی آرسی کی تصدیق کے لیے لکھ دیا گیا ہے۔

ادھر