سندھ میں اسکول اپ گریڈیشن پالیسی منظور

0
23

سندھ کابینہ نے اسکول اپ گریڈیشن پالیسی کی منظوری دے دی، صوبائی وزیر تعلیم کے مطابق ہائی اسکول میں اپ گریڈیشن کے لیے 40 بچے اور 30 بچیاں زیر تعلیم ہونا ضروری ہے۔

تفصیلات کے مطابق سندھ کابینہ نے اسکول اپ گریڈیشن پالیسی کی منظوری دے دی، صوبائی وزیر تعلیم سردار شاہ کا کہنا ہے کہ پانچویں جماعت میں 20 لڑکے اور 15 لڑکیاں ہیں تو ایلیمنٹری اسکول بنایا جائے۔

وزیر تعلیم کا کہنا تھا کہ ہائی اسکول میں اپ گریڈیشن کے لیے 40 بچے اور 30 بچیاں ضروری ہیں، پانچویں جماعت میں 50 بچے اور 30 بچیاں ہیں تو ایلیمنٹری اسکول ڈکلیئر کیا جائے۔

کابینہ اجلاس میں 200 ایکڑ اراضی پاکستان نیوی کو کوآپریٹو ہاؤسنگ سوسائٹی کے لیے دینے پر بھی غور کیا گیا، وزیر اعلیٰ سندھ نے چیف سیکریٹری کی سربراہی میں کمیٹی قائم کر دی۔

وزیر اعلیٰ سندھ کے ترجمان کا کہنا ہے کہ کمیٹی میں ایڈووکیٹ جنرل بھی شامل ہوں گے۔

Leave a reply