سندھ پولیس کو لانگ مارچ کیلئے اسلام آباد بھیجنے کیخلاف درخواست مسترد

کراچی: سندھ ہائیکورٹ نے سندھ پولیس کے اہلکار لانگ مارچ روکنے کے لئے اسلام آباد بھیجنے سے متعلق درخواست ناقابل سماعت دیتے ہوئے مسترد کردی۔

باغی ٹی وی : چیف جسٹس سندھ ہائیکورٹ جسٹس احمد علی شیخ کی سربراہی میں دو رکنی بینچ نے سندھ پولیس کے 6 ہزار اہلکار لانگ مارچ روکنے کے لئے اسلام آباد بھیجنے کیخلاف اپوزیشن لیڈر حلیم عادل شیخ کی درخواست کی سماعت ہوئی۔

قانون نافذ کرنے والے اداروں کی پی ٹی آئی کے دھرنے کا مقام تبدیل کرنے کی تجویز

چیف جسٹس نے ریمارکس دیئے کہ آپ بتائیں آئین کی کون سی شق کی خلاف ورزی ہوئی ہے؟ درخواستگزار کے وکیل نے موقف دیا کہ آئین کے آرٹیکل 15 اور 16 کی خلاف ورزی ہوئی ہے۔ آئی جی سندھ کا جاری کردہ نوٹیفیکیشن غیر قانونی ہے۔

درخواستگزار کے وکیل نے کہا کہ آئین ہر شہری کو احتجاج کا حق دیتا ہے پی ٹی آئی کے لانگ مارچ کو روکنے کیلئے نفری بھیجی گئی ہےعدالت نے درخواست ناقابل سماعت قرار دیتے ہوئے مسترد کردی۔

دائر درخواست میں موقف اپنایا گیا تھا کہ وفاقی اور سندھ حکومت، آئی جی سندھ کو 6 ہزار اہلکاروں کو واپس بلانے کے احکامات دیئے جائیں۔ سندھ حکومت اور آئی جی سندھ کو کراچی میں اسٹریٹ کرائم کی روک تھام کے لیے پولیس اہلکاروں کی تعیناتی کا حکم دیا جائے۔

کراچی: ڈیفنس فیز 5 میں پولیس اہلکار کو قتل کرنیوالا ملزم کس کا بیٹا ہے؟