سکارکوئی میں اجتماعی زیادتی کا واقعہ افسوسناک و دردناک ہے،سیکرٹری اطلاعات پی ٹی آئی جی بی

0
66

سکارکوئی میں اجتماعی زیادتی کا واقعہ افسوسناک و دردناک ہے،سیکرٹری اطلاعات پی ٹی آئی

گلگت ۔ 4 اگست (اے پی پی)تحریک انصاف کے صوبائی سیکرٹری اطلاعات اکبر حسین اکبر نے کہا ہے کہ سکارکوئی میں حوا کی بیٹی کے ساتھ اجتماعی زیادتی کا واقعہ انتہائی افسوسناک اور دردناک ہے جس کی جتنی بھی مذمت کی جائے کم ہے ۔ ان خیالات کا اظہار انھوں نے گزشتہ روز جاری ایک بیان میں کیا ۔ انھوں نے کہا کہ سکارکوئی واقعہ دلخراش ہے اور ہر ذی روح انسان اس واقعہ کی مذمت کرتا ہے اور ستم درد ستم یہ کہ مظلوم باپ نے انصاف کی فراہمی نہ ہونے پر اپنی جان دی جس سے یہ واضح ہو جاتا ہے کہ صوبائی حکومت بری طرح ناکام رہی ہے ۔

انھوں نے کہا کہ گلگت صوبائی دارالحکومت ہے جہاں قانون کو فوری طور پر حرکت میں آنا چاہیے تھا وہاں ملزمان کا فوری طور پر گرفتار نہ ہونا اور متاثرہ لڑکی کے والد کو انصاف نہ ملنے پر خودکشی کرنا اس واقعے سے ظاہر ہوتا ہے کہ مقامی حکومتکو عوام کی جان و مال کی کوئی فکر نہیں ۔ انھوں نے کہا کہ تحریک انصاف گلگت بلتستان ایسے واقعات کی پرزور الفاظ میں مذمت اور قانون نافذ کرنے والے اداروں سے مطالبہ کرتی ہے کہ وہ جلد سے جلد مجرموں کو گرفتار کر کے عبرتناک سزا دیں تاکہ آئندہ ایسے واقعات پیش نہ آئیں اور عوام کی جان و مال کے تحفظ کو یقینی بنایا جاسکے ۔

Tagsbaaghi

Leave a reply