سیالکوٹ(بیوروچیف شاہدریاض)سیالکوٹ کے تھانہ کوٹلی لوہاراں کے علاقے سے منگل کے روز ایک جھلسی ہوئی نامعلوم لاش برآمد ہوئی، جس سے علاقے میں خوف و ہراس پھیل گیا۔
پولیس کو اطلاع ملتے ہی ایس ایچ او بھاری نفری کے ہمراہ جائے وقوعہ پر پہنچے اور علاقے کو گھیرے میں لے لیا۔ ابتدائی شواہد سے معلوم ہوا کہ نامعلوم شخص کو مبینہ طور پر اغواء کے بعد قتل کیا گیا اور بعد ازاں نعش پر تیل چھڑک کر آگ لگا دی گئی۔
مقتول کی شناخت تاحال ممکن نہیں ہو سکی، اور فرانزک ٹیم بھی ابھی جائے وقوعہ پر پہنچ کر شواہد اکٹھے کرنے میں مصروف نہیں ہوئی۔ پولیس نے واقعے کی مزید تحقیقات کا آغاز کر دیا ہے اور علاقے میں اضافی سیکورٹی فراہم کر دی گئی ہے۔
