پنجاب بھر میں اسمارٹ لاک ڈاون کے تحت پابندیاں آج سے ختم

پنجاب بھر میں کورونا وائرس کے باعث اسمارٹ لاک ڈاون کے تحت پابندیاں آج سے ختم ہوگئی ہیں۔

باغی ٹی وی : اب بازار ہفتہ میں 6روز کھلے رہیں گے کاروبار کی اجازت رات 10 بجے تک ہوگی تمام مزارات زائرین کے لیے کھول دیئے جائیں گے شہریوں کے لیے پارکس بھی کھلے رہ سکیں گے۔

تفریحی مقامات50 فیصد گنجائش کے ساتھ کھولنے کی اجازت ہوگی پنجاب بھر میں آوٹ ڈور تقریبات میں 400 ویکسینیٹڈ افراد کو شرکت کی اجازت ہوگی ان ڈور تقریبات میں 200ویکسینیٹڈ افراد کو شرکت کی اجازت ہے ان ڈور اور آوٹ ڈور ڈائیننگ کی رات12 بجے تک اجازت ہے۔

ملک بھر کے لیے این پی آئیز 30 ستمبر تک نافذ رہیں گی نافذ العمل این پی آئیز کا جائزہ 28 ستمبر کولیا جائے گا۔

کورونا کے باعث نافذ تمام پابندیاں 23ستمبر سے ہٹانے کا فیصلہ

وزارت صحت نے قومی سطح پر کورونا مثبت تناسب کے اعداد و شمار بھی جاری کیے ہیں ملک بھر میں 13 ستمبر سے 19 ستمبر تک کورونا مثبت کیسز کی شرح4 فیصد سے 6 فیصد کے درمیان رہی ملک بھر میں 35 فیصد وینٹیلیٹر کورونا مریضوں کے زیر استعمال ہیں پاکستان کے پانچ شہر کورونا کے باعث ہائی الرٹ ہیں۔

فیصل آباد میں کورونا مثبت کیسز کی شرح 10 اشاریہ 70 فیصد ہے۔ میرپور میں10 اشاریہ 19، حیدرآباد9 اشاریہ 90، مردان8 اشاریہ 42 اور مظفرآباد میں مثبت کیسز کی شرح 8 فیصد ہے۔

وزارت صحت نے پاکستان میں تصدیق شدہ کورونا ویکسین کی فہرست بھی جاری کر دی ہے۔

سکھر:کورونا ویکسین نہ لگوانے والوں کے خلاف پولیس کا کریک ڈاؤن

وزارت صحت کے مطابق پاکستان میں 8 قسم کی کورونا ویکسین استعمال کی جا رہی ہیں پاکستان میں استعمال ہونے والی کورونا ویکسین میں سائنو ویک، سائنو فارم، ایسٹرازنکا اور موڈرنا شامل ہیں فائزر، سپوتنک، پاک ویک اور کین سائنو کورونا ویکسین بھی پاکستان میں لوگوں کو لگائی جا رہی ہے۔

پاکستان میں استعمال ہونے والی 8 کورونا ویکسین میں سے 6 ڈبل ڈوز اور 2 سنگل ڈوز ہیں وزارت صحت کی جانب سے ڈبل ڈوز ویکسین کا دورانیہ 28 دن مختص کیا گیا ہے۔

واضح رہے کہ پاکستان میں کورونا وائرس سے گزشتہ 24 گھنٹوں کے دوران مزید 58 افراد جاں بحق ہوگئے ہیں نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 48ہزار 151کورونا ٹیسٹ کیے گئے مزید2 ہزار357 کورونا کیسز رپورٹ ہوئے۔

این سی او سی کےمطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ32ہزار595 جبکہ مجموعی اموات کی تعداد 27 ہزار432 ہو گئی اور مثبت کیسز کی شرح 4.89 فیصد رہی۔

سندھ میں کورونا کے کیسز کی تعداد 4 لاکھ 53 ہزار51، خیبر پختونخوا میں ایک لاکھ 72 ہزار 210، پنجاب میں 4 لاکھ 25 ہزار703، اسلام آباد میں ایک لاکھ 4 ہزار619، بلوچستان میں 32 ہزار812، آزاد کشمیر میں 33 ہزار 923اور گلگت بلتستان میں 10 ہزار 277 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 12 ہزار 490 افراد جان کی بازی ہار چکے ہیں جبکہ سندھ میں 7 ہزار310، خیبرپختونخوا 5 ہزار463، اسلام آباد 907، گلگت بلتستان 183، بلوچستان میں 345 اور آزاد کشمیر میں 734 افراد جان کی بازی ہار چکے ہیں۔