صوبہ انتظامی طور پر تباہ ، دہشت گردوں کے ہاتھوں یرغمال ہے،ایمل ولی خان

پشاور، سربند پولیس اسٹیشن پر دہشت گردوں کا حملہ، اے این پی نے مذمت کی ہے

اے این پی کے صوبائی صدر ایمل ولی خان کا کہنا ہے کہ صوبہ انتظامی طور پر تباہ اور دہشت گردوں کے ہاتھوں یرغمال ہے، صوبائی حکومت دہشت گردوں کو روکنے کی بجائے انکی سرپرستی اور وکالت کررہی ہے،بزدلانہ حملے کے نتیجے میں ڈی ایس پی اور اہلکاروں کی شہادت افسوسناک ہے،ذاتی مفادات کیلئے پختونخوا کو دہشت گردوں کے سپرد کرنا شرمناک ہے،پختونخوا پولیس ہمارا فخر ہے ان کی قربانیوں کو سلام پیش کرتے ہیں،

ایمل ولی خان کا کہنا ہے کہ تبدیلی سرکار سے آج عوام کو نجات مل جائےگی، صوبائی حکومت نے کل پورا دن عدم اعتماد لانے کیلئے اپوزیشن کی منتیں کیں،آج پختونخوا کے عوام کیلئے "نجات” کا دن ہے، ان لوگوں کو اب اپنی اہمیت کا اندازہ ہوجائیگا جب تخت اور نہ کرسیاں رہیں گی، ان کو منطقی انجام تک پہنچانے کیلئے لاتعدادکرپشن پراجیکٹس سمیت پختونخوا کا خالی خزانہ ہی کافی ہے، پی ٹی آئی نے10 سال تک پختونخوا کو عمران کیلئے استعمال کیا، تبدیلی سرکار کی بدولت آج صوبہ 987 ارب سے زائد کا مقروض ہے،

مشیر داخلہ خیبرپختونخواہ بابر سلیم سواتی نےپشاور نواحی علاقے سربند میں پولیس چوکی پر دہشت گرد حملے کی شدید الفاظ میں مذمت کی ہے چیئرمین پاکستان تحریک انصاف عمران خان کی جانب سے مذمت اور افسوس کا اظہار کیا گیا، عمران خان نے کہا کہ تھانے پر دہشتگرد حملے کی شدید مذمت کرتا ہوں، میری دعائیں اور ہمدردیاں شہداء کے اہلِ خانہ کے ساتھ ہیں،

واضح رہے کہ شہید ڈی ایس پی اور 2 پولیس اہلکاروں کی نماز جنازہ ملک سعد شہید پولیس لائن میں ادا کر دی گئی، نماز جنازہ میں گورنر غلام علی ، آئی جی پولیس معظم جاہ انصاری سمیت دیگر اعلیٰ حکام نے شرکت کی شہید ڈی ایس پی اور اہلکاروں کو پولیس دستے نے سلامی پیش کی،گزشتہ رات دہشت گردوں کے حملے میں ڈی ایس پی اور 2 پولیس جوان شہید ہو گئے تھے پولیس کا کہنا ہے کہ حملے میں دہشتگردوں کی جانب سے اسنائپرگن اور دستی بموں کا استعمال کیا گیا ہے بعد ازاں پولیس کی اضافی نفری اوربکتر بند گاڑیاں پولیس اسٹیشن سربند پہنچیں۔پولیس کے مطابق 6 سے 8 دہشتگردوں نے تین اطراف سے تھانے پر حملہ کیا، حملے کی اطلاع پر ڈی ایس پی تھانے پہنچے تھے، گاڑی پارک کر کے پیدل آگے بڑھ رہے تھے کہ دہشتگردوں نے اسنائپر رائفلز سے انہیں نشانہ بنایا، گولیاں ان کے سر اور جسم پر لگیں۔ایس ایس پی آپریشنز آفتاب نے بتایا کہ دہشتگردوں نے تھانے میں 5 دستی بم پھینکے جن میں سے ایک پھٹا باقی 4 ناکارہ بنادیئے گئےحملے کے بعد تمام دہشتگرد فرار ہو گئے، آپریشن ختم کردیا گیا

 حیدر آباد میں چینی ڈاکٹر کو ٹارگٹ کرنے کی کوشش سی ٹی ڈی نے ناکام بنا دی

سی ٹی ڈی کی لاہورسمیت پنجاب بھر میں کارروائیاں،9 دہشت گرد گرفتار

عمران خان اسمبلیاں توڑنے میں اور دہشتگرد خیبرپختونخوا کے بے گناہ عوام کو قتل کرنے میں مصروف ہیں

کراچی یونیورسٹی میں ایک خاتون کا خودکش حملہ:کئی سوالات چھوڑگیا،

محکمہ انسداد دہشت گردی خیبرپختونخواہ دہشت گردی کا مقابلہ کرنے کی صلاحیت نہیں رکھتا: قومی اداروں کی رپورٹ میں ہوشربا انکشاف

نئے انتخابات بارے صوبائی صدر ایمل ولی خان نے کہا کہ تین مہینے میں انتخابات ممکن نہیں، موجودہ صورتحال میں نئے انتخابات خطرناک ہوں گے۔ عوامی نیشنل پارٹی روز اول سے انتخابی اصلاحات کیلئے جدوجہد کررہی ہے اور سمجھتی ہے کہ جب تک اصلاحات نہیں ہوتے ، صاف شفاف اور مداخلت سے پاک انتخابات کا ہونا ناممکن ہے۔