fbpx

صوبائی وزیر کی وفات پر ن لیگ کی جانب سے اظہار افسوس

فضل محمود کھوکھر سے جاپان (ٹوکیو)سیالکوٹ سے مسلم لیگ ن کے رکن صوبائی اسمبلی اور سابق صوبائی وزیر خوش اختر سبحانی کی وفات پر ن لیگ جاپان کی قیادت کی جانب سے اظہار افسوس کیاگیا ہے ، ن لیگ جاپان کے مرکزی صدر ملک نور اعوان ،مرکزی سینئر نائب صدر ڈاریکٹر سیالکوٹ ایئر سیال ملک یونس جاپانی،مرکزی نائب صدر مرزا اکرم،مرکزی ایڈیشنل سیکرٹری جنرل چوہدری عنصر گجر، ن لیگ یوتھ ونگ ایشیا مرکزی سیکرٹری جنرل شیخ ذوالفقار، ن لیگ یوتھ ونگ جاپان علی افضل کلیار،ن لیگ یوتھ ونگ جاپان مرکزی صدر ملک ارشد، ن لیگ یوتھ ونگ جاپان مرکزی سیکرٹری اطلاعات یوسف مغل سمیت دیگر قیادت نے ایک بیان میں کہا ہے کہ خوش اختر سبحانی سیالکوٹ سے مسلم لیگ ن کا اثاثہ تھے ۔

وہ چار مرتبہ ن لیگ کے ٹکٹ پر صوبائی اسمبلی کے رکن منتخب ہوچکے تھے ، ان کا خاندان سیالکوٹ کا مضبوط ترین سیاسی خاندان میں شمار ہوتا ہے ، خوش اختر سبحانی مرحوم کے والد چوہدری اختر علی وریو بھی معروف سیاسی شخصیت تھے۔ جو نہ صرف صوبائی اسمبلی بلکہ قومی اسمبلی کے رکن بھی رہ چکے تھے ، جبکہ ان کے کزن چوہدری ارمغان سبحانی بھی سیالکوٹ سے ن لیگ کے رکن قومی اسمبلی ہیں جنھوں نے دو دفعہ ڈاکٹر فردوس عاشق اعوان کو انتخابات میں شکست دے کر شہرت حاصل کی ہے ۔

چوہدری خوش اختر سبحانی کے چھوٹے بھائی بھی سیالکوٹ سے ہی ن لیگ کے رکن صوبائی اسمبلی رہ چکے ہیں اور آجکل ن لیگ سیالکوٹ ڈسٹرکٹ کے صدر ہیں ، ن لیگ جاپان کے سینئر نائب صدر ملک یونس جاپانی نے کہا کہ ان کے چوہدری خوش اختر سبحانی اور ان کے خاندان سے گہرے تعلقات ہیں بلاشبہ وریو خاندان نے سیالکوٹ کی عوام کی بڑی خدمت کی ہے یہی وجہ ہے کہ وریو خاندان سیالکوٹ کا مقبول ترین اور ہر دلعزیز سیاسی خاندان ہے ، ہماری دعا ہے کہ اللہ تعالیٰ چوہدری خوش اختر سبحانی کو جنت الفردوس میں اعلیٰ مقام عطا فرمائے ۔

(رپورٹ) فضل محمود کھوکھر نمائندہ باغی ٹی وی سیالکوٹ