fbpx

سوشل میڈیا پراپنی معصومیت اور گول روٹی سے مشہور ہونے والی یہ لڑکی کون ہے؟

گزشتہ دنوں سوشل میڈیا پر اپنی معصومیت اور گول روٹی پکانے کی ویڈیو کےباعث مشہور ہونے والی لڑکی کے حوالے سے بھارتی میڈیا نے دعوی کیا ہے کہ اس لڑکی کا تعلق کراچی میں مقیم خانہ بدوش فیملی سے ہے-

باغی ٹی وی: آمنہ کی ویڈیوز میں اکثر وہ روٹی اور کھانا پکاتے ہی دکھائی دیتی ہیں پُرکشش نقوش رکھنے والی اس لڑکی نے سوشل میڈیا پر پاکستانیوں سمیت بھارتیوں کوبھی اپنا گرویدہ بنا رکھا ہے،یہاں تک کہ بھارتی میڈیا نے مذکورہ لڑکی کے بارے میں پتہ تک لگا لیا ہے-

بھارتی خبر رساں ادارے انڈیا ٹوڈے نے دعویٰ کیا ہے کہ انہوں نے اس لڑکی کے بارے معلومات حاصل کر لی ہیں

انڈیا ٹوڈے کی رپورٹ کے مطابق وہ خوبصورت لڑکی یاد ہے جو اپنے روٹی کی ویڈیوز بنا کر وائرل ہوگئی؟ اس کی دلکش مسکراہٹ اور معصومیت ر نے سوشل میڈیا پر سب کو اپنا گرویدہ بنالیا ہے اس کی ویڈیوز نے سوشل میڈیا پر لاکھوں لائیکس حاصل کئے۔ تاہم ، کسی کو بھی اس کا نام یا اس کا تعلق نہیں تھا۔ اب ، انڈیا ٹوڈے نے اس لڑکی کا سراغ لگایا ہے جو پاکستان کی رہنے والی ہے۔

بھرتی میڈیا کی رپورٹ کے مطابق سوشل میڈیا پر وائرل اس خوبرو لڑکی کا نام آمنہ ریاض ہے اور اس کی عمر محض 15سال ہے۔

بھارتی میڈیا رپورٹس میں دعویٰ کیا گیا ہے کہ آمنہ صوبہ سندھ کے شہر کراچی کے مضافات میں مقیم ایک خانہ بدوش فیملی سے تعلق رکھتی ہے آمنہ ریاض نے اپنی یہ ویڈیو خود سوشل میڈیا پر پوسٹ نہیں کی تھی بلکہ اسی علاقے کے ایک نوعمر لڑکے نے اس کی ویڈیو بنا کر سوشل میڈیا پر شیئر کی تھی جودیکھتے ہی دیکھتے پوری دنیا میں وائرل ہوگئی تھی۔

وائرل ویڈیو کے بعد میڈیا نے ان کے گھر جانا شروع کیا لیکن آمنہ اور اس کی فیملی نے بات کرنے سے انکار کر دیا۔

آمنہ نامی اس لڑکی کی ٹک ٹاک، انسٹاگرام اور دیگر سوشل میڈیا ویب سائٹس پر ویڈیوز پر سب ہی لطف اندوز ہو رہے ہیں ویڈیوز نے آمنہ کو راتوں رات ایک سوشل میڈیا اسٹار بنا دیا ہے انسٹاگرام پر شیئر کی جانے والی ویڈیوز میں روٹی بنانے، سبزی کاٹنے، سالن پکانے اور دیگر گھریلو کام کاج کرنے کی ویڈیوز شامل ہیں۔

آمنہ نامی لڑکی کے نام سے منسوب انسٹاگرام اکاؤنٹ کے 2 لاکھ 84 ہزار سے زائد فالوورز ہیں جس میں لڑکی کی ویڈیوز ہی شیئر کی جاتی ہیں ویڈیوز میں نہ تو آمنہ نے برانڈڈ کپڑے پہن رکھے ہیں اور نہ ہی میک اپ کیا ہے پھر بھی لوگوں کو اپنا دیوانہ بنایا ہوا ہے-

دینا نیر کے بعد بھارت میں ایک اور پاکستانی لڑکی کی سادگی اور کوکنگ کے چرچے