غریبوں کی داد رسی صرف حکومتی فریضہ نہیں

پھلروان ( نمائندہ با غی ٹی وی ) رمضان المبارک کی آمد کے ساتھ ھی خلق خدا کے لئے آسانیاں بانٹنے کا سلسلہ شروع ھو چکا ھے غربا اور حق داروں میں راشن کی تقسیم کا عمل جاری ھے غریبوں کی داد رسی صرف حکومت کا کام نہیں اسی مشن کو آگے بڑھاتے ہوئے خدمت انسانیت کے جذبے سے سرشار اوورسیز پاکستانی ثاقب افتخار ہر سال کی طرح اس سال بھی بیرون ملک سے پھولوں کے شہر پھلروان پہنچے ہیں انہوں نے اپنی والدہ کے نام پر بلقیس ویلفئیر ٹرسٹ بنا رکھا جس میں ہر سال کی طرح اس سال بھی سینکڑوں گھرانوں میں رمضان المبارک کا سامان تقسیم کیا گیا اس موقع پر بلقیس ویلفیئر ٹرسٹ کے سی ای او راجہ ثاقب افتخار کا کہنا تھا کہ میں اوور سیز پاکستانی ہوں اور بیرون ممالک میں اپنے دوست احباب کی مدد سے رمضان المبارک میں 7 سے زاہد گاؤں میں ہزاروں گھروں میں ہر سال رمضانُ المبارک کا راشن تقسیم کررہا ہوں اور میری باقی اوورسیز بھائیوں سے بھی گزارش ہے کہ وہ بھی اپنے اپنے گاوں میں جتنا توفیقِ ہو رمضان المبارک میں غربا میں راشن تقسیم کیا کریں تاکہ اس بابرکت مہینے میں عام انسانوں کی طرح غربا بھی سحری افطاری کا انعقاد کر سکیں اسی سلسلے میں نجی ویلفئیر ٹرسٹ کے جانب سے پہلے مرحلہ میں سرگودھا ، پھلروان ،بھلوال ،47 چک، ہجن ,چکوال جبکہ دوسرے مرحلہ میں راولپنڈی اسلام آباد جبکہ آخری مرحلے میں پشاور اور چکوال کے گاؤں میں ہزاروں غربا میں راشن تقسیم کیا گیا۔