سوناکشی سنہا اور ظہیر اقبال شادی کے بندھن میں بندھ گئے

سوناکشی نے شادی کے موقع پر آف وائٹ ساڑھی زیب تن کی جبکہ ڈائمنڈ اور موتیوں کا ہار گلے میں پہنا
0
103
zaheer

ممبئی :بالی وڈ اداکارہ سوناکشی سنہا اور اداکار ظہیر اقبال نے شادی کرلی۔

بھارتی میڈیا رپورٹس کے مطابق سونا کشی اور اور ظہیر اقبال کی شادی کی تقریب ممبئی میں اداکارہ کے گھر پر ہوئی، تقریب میں اداکارہ سوناکشی کے والد شتروگن سنہا اور والدہ پونم سنہا نے شرکت کی تاہم بھائی شادی میں شریک نہیں ہوئے،سوناکشی اور ظہیر نے سرکار ی اہلکار کی موجودگی میں سول میرج کی اور شادی کے دستاویزات پر دستخط کیے،شتروگن سنہا نے بھی سول میرج کی دستاویزات پر دستخط کیے اور بیٹی کو رخصت کیا۔

سوناکشی نے شادی کے موقع پر آف وائٹ ساڑھی زیب تن کی جبکہ ڈائمنڈ اور موتیوں کا ہار گلے میں پہنا،دلہا ظہیر اقبال بھی سفید شلوار قمیض زیب تن کر رکھا تھا شادی کی تقریب کے بعد جوڑے کی جانب سے ممبئی کے مقامی ریسٹورنٹ میں عشائیہ دیا جا رہا ہے جس میں فلمی اور دیگر شعبوں سے تعلق رکھنے والی شخصیات شریک ہیں، عشائیے میں انیل کپور، چنکی پانڈے، کاجول اور دیگر نے شرکت کی جبکہ عشائیے میں اداکارہ نے سرخ رنگ کی ساڑھی زیب تن کی ہے۔

سوناکشی سنہا نے سوشل میڈیا پر اپنی پوسٹ کے ساتھ ایک جذباتی کیپشن لکھا کہ سات برس قبل دونوں نے ایک دوسرے کی آنکھ میں محبت کو دیکھا اور اسے ہمیشہ کیلئے رکھنے کا فیصلہ کرلیا اس محبت نے ان دونوں کی مختلف چیلنجز اور کامیابیوں کی طرف رہنمائی اور اب وہ دونوں میاں بیوی بن گئے ہیں۔

Leave a reply