جنوبی کوریا کے نو منتخب صدر نے عہدے کا حلف اٹھا لیا

جنوبی کوریا کے نو منتخب صدر یون سک یول نے ملکی صدارت کا حلف اٹھا لیا ہے۔

باغی ٹی وی : غیر ملکی میڈیا کے مطابق پیپلز پاور پارٹی سے تعلق رکھنے والے قدامت پسند یون نے دارالحکومت سیول میں ہونے والی تقریب میں ملک کے نئے رہنما کے طور پر حلف اٹھانے کے بعد کہا کہ شمالی کوریا کے جوہری ہتھیاروں کو مکمل ختم کرنا ہوگا ہمیں متعدد بحرانوں جن میں وبائی بیماری، موسمیاتی تبدیلی اور بہت سے معاشی اور سماجی مسائل کا سامنا ہے۔

حالات بتارہے ہیں کہ روس یوکرین سے نہیں نکلے گا:جوبائیڈن

انہوں نے یقین دہانی کرائی کہ نئے صدر کے طور پر، میں اپنی قوم کو تازہ ترین بحرانوں سے نکالنے کے کا فرض نبھاؤں گا، میں اس عظیم قوم کے لوگوں کی طرف سے سونپے جانے والے عہدے پر بھی شکر گزار ہوں۔ مجھے یقین ہے کہ ایک بار پھر ان مسائل پر قابو پالیں گے۔

انہوں نے کہا کہ میں صدر کے فرائض کو وفاداری کے ساتھ انجام دوں گا، اس کے ساتھ میری توجہ شمالی کوریا کے ساتھ مذاکرات اور اقتصادی صورت حال پر مرکوز رہے گی ۔

واضح رہے کہ امریکی صدر جو بائیڈن رواں ماہ جنوبی کوریا کا دورہ کریں گے وائٹ ہاوس کی ترجمان جین ساکی کا کہنا ہے کہ امریکی صدر جو بائیڈن دورہ ایشیا میں اپنے جنوبی کوریائی اور جاپانی ہم منصب سے شمالی کوریا کے جوہری اور میزائل پروگرام پر بات کریں گے۔

ملکہ برطانیہ الزبتھ دوم نے ایک اور سنگ میل عبور کرلیا