fbpx

اسپیکر قومی اسمبلی نے پارلیمانی کمیٹی کیلئے نام مانگ لئے

اسپیکر قومی اسمبلی نے انتخابی اصلاحات سے متعلق پارلیمانی کمیٹی کے لیے پارلیمانی قائدین سے نام مانگ لئے ہیں جبکہ اس حوالے تمام پارلیمانی جماعتوں کے قائدین کو خطوط ارسال کردیئے گئے ہیں۔

باغی ٹی وی : تفصیلات کے مطابق اسپیکر قومی اسمبلی راجہ پرویز اشرف نے کہا کہ قومی اسمبلی میں تمام پارلیمانی رہنماؤں کو انتخابی اصلاحات کی پارلیمانی کمیٹی کے لیے اپنی متعلقہ جماعتوں کی جانب سے نامزدی بھیج دیں-

گورنر پنجاب نے عثمان بزدار کا استعفیٰ مسترد کر دیا

28 اپریل 2022 کو لکھے گئے خطوط جس میں اسپیکر نے پارلیمانی رہنماؤں سے کہا ہے کہ وہ اس خط کے جاری ہونے کے 7 دنوں کے اندر اپنی نامزدگیاں قومی اسمبلی سیکرٹیریٹ کو بھیجوا دیں۔

یہ خطوط عمران خان (پی ٹی آئی)، ڈاکٹر خالد مقبول صدیقی (ایم کیو ایم پی)، اسد محمود (ایم ایم اے پی)، خواجہ محمد آصف (پی ایم ایل این) محمد اختر مینگل (بی این پی ایم) امیر حیدر اعظم ہوتی (اے این پی)، بلاول بھٹو زرداری (پی پی پی پی) غوث بخش خان مہر (جی ڈی اے)، نوابزادہ شاہ زین بگٹی (جے ڈبلیو پی)، شیخ رشید احمد (اے ایم ایل پی)، چوہدری طارق بشیر چیمہ (پی ایم ایل)، مخدوم شاہ محمود حسین قریشی (پی ٹی آئی) اور خالد حسین مگسی (بی اے پی) کو بھیجے گئے ہیں۔

اسپیکر نے اپنے خط میں لکھا ہے کہ قومی اسمبلی نے 16 اپریل 2022 کو اپنے اجلاس میں قومی اسمبلی کے قواعد و ضوابط کے طریق کار 2007 کے قاعدہ 244 (B) کے تحت ایک تحریک منظور کی تھی جس کے تحت پارلیمانی کمیٹی تشکیل دی جائی گی جو الیکشن اصلاحات میں خامیوں کا جائزہ لینے اور گزشتہ انتخابات اور انتخابی اصلاحات کے لیے سفارشات پیش کرے گی تاکہ آئندہ انتخابات کا آزادانہ، منصفانہ اور شفاف انعقاد کو یقینی بنایا جا سکے۔

وزیراعظم شہباز شریف کی ترک صدر ایردوان سے ملاقات کا امکان، ذرائع