مقبوضہ کشمیر، سری نگر جموں‌ شاہراہ پر پابندی کیخلاف تاجروں کا احتجاج اور دھرنا

مقبوضہ کشمیر میں کشمیری تاجروں نے سری نگر جموں شاہراہ پر سویلین کیلئے آمدورفت پر پابندی لگائے جانے کے خلاف شدید احتجاج کیا اور دھرنا دیا ہے۔ فروٹ منڈی سوپور میں احتجاجی دھرنا کا اہتمام مقامی تاجروں کی جانب سے کیا گیا تھا۔

باغی ٹی وی کی رپورٹ کے مطابق احتجاجی مظاہرہ اور دھرنے میں شریک تاجروں نے پلے کارڈ اور بینر اٹھارکے تھے جن پر امر ناتھ یاتریوں کے حق میں استقبالی نعرے اورسری نگر جموں شاہراہ پر پابندیوں کیخلاف احتجاجی نعرے درج تھے، مظاہرین کا کہنا تھا کہ شاہراہ پر پابندیوں سے میوہ تاجروں کو شدید نقصان کا سامنا کرنا پڑ رہا ہے کیونکہ وادی سے باہر جانے والا اکثر میوہ وقت ضائع ہونے کی بنا پر راستے میں ہی سڑ جاتا ہے،

کشمیری تاجروں نے کہا کہ میوہ سے بھری گاڑیوں کو شاہراہ پر گھنٹوں روکا جاتا ہے اور کبھی کبھی انہیں رات بھر رکنے کیلئے مجبور کیا جارہا ہے جس سے ان میں لدا میوہ مارکیٹ تک پہنچنے سے پہلے ہی سڑ جاتا ہے، کشمیری تاجروں نے مطالبہ کیا کہ شاہراہ پر عاید پابندیوں کو ختم کرکے انہیں مزید نقصان سے بچایا جائے، واضح رہے کہ سری نگر جموں‌ شاہراہ کی بندش کے خلاف اس سے پہلے بھی کشمیری تاجروں کی جانب سے مظاہرے کئے جاتے رہے ہیں.

جواب چھوڑیں

آپ کا ای میل ایڈریس شائع نہیں کیا جائے گا.