سعد فاروق
مقبوضہ کشمیر کے علاقے سرینگر میں بین الاقوامی ہوائی اڈے کے قریب 10 دھماکوں کی آوازیں سنی گئی ہیں.
غیر ملکی خبر رساں ادارے کے مطابق یہ اطلاعات بھارتی سرکاری حکام نے فراہم کی ہیں۔دھماکوں سے قبل جموں شہر کی فضاء میں متعدد پرجیکٹائلز دیکھے گئے، جن کے باعث بجلی کا نظام متاثر ہوا اور کئی علاقوں میں بلیک آؤٹ ہو گیا۔ خبر رساں ادارےکے مطابق بھارتی پنجاب کے شہر امرتسر، جو سکھوں کا مقدس شہر سمجھا جاتا ہے، میں بھی دھماکوں کی آوازیں سنی گئی ہیں۔
ایک بھارتی فوجی عہدیدار نے تصدیق کی ہے کہ "فضاء میں ڈرونز کی موجودگی دیکھی گئی ہے، جنہیں نشانہ بنایا جا رہا ہے۔”یہ واقعہ ایسے وقت پیش آیا ہے جب لائن آف کنٹرول پر پاکستان اور بھارت کے درمیان کشیدگی خطرناک حد تک بڑھ چکی ہے، جس نے خطے میں ایک ممکنہ بڑے فوجی تصادم کے خدشات کو جنم دیا ہے۔بدھ کی صبح بھارت نے پاکستان اور مقبوضہ کشمیر میں میزائل حملے کیے تھے۔ یہ کارروائی گزشتہ ماہ مقوبضہ کشمیر میں 26 افراد کی ہلاکت کے بعد کی گئی، جن میں زیادہ تر بھارتی سیاح شامل تھے۔
بھارتی حکومت کا دعویٰ ہے کہ اس نے نو "دہشتگردی کے بنیادی ڈھانچے” کو نشانہ بنایا، جب کہ پاکستان نے واضح طور پر اس حملے سے لاتعلقی ظاہر کی ہے اور کہا ہے کہ جن جگہوں کو نشانہ بنایا گیا وہ کسی دہشت گرد نیٹ ورک کا حصہ نہیں تھیں۔بدھ سے اب تک دونوں جانب ہلاکتوں کی تعداد 48 تک پہنچ چکی ہے، تاہم ان اعداد و شمار کی آزاد ذرائع سے تصدیق ممکن نہیں ہو سکی۔صورتحال کی سنگینی کے باعث بھارت نے انڈین پریمیئر لیگ (آئی پی ایل) کو غیر معینہ مدت کے لیے معطل کر دیا ہے، جبکہ پاکستان سپر لیگ (پی ایس ایل) کے باقی میچز بھی غیر معینہ مدت کے لیے ملتوی ہو گئے۔
دوسری جانب، وائٹ ہاؤس کی پریس سیکریٹری کیرولین لیوٹ نے ایک پریس کانفرنس میں بتایا ہے کہ امریکا، بھارت اور پاکستان کے ساتھ مسلسل رابطے میں ہے اور خطے میں کشیدگی کو کم کرنے کے لیے سفارتی ذرائع بروئے کار لا رہا ہے۔
پاکستان ایئر فورس نے بھارتی رافیل طیارہ مار گرانے کے شواہد پیش کر دیے
پاکستان ایئر فورس نے بھارتی رافیل طیارہ مار گرانے کے شواہد پیش کر دیے
وزیراعظم سے سعودی وزیر خارجہ کی ملاقات، پاک بھارت کشیدگی پر اظہار تشویش
بھارتی فوجی حکام کی پریس بریفنگ بے نتیجہ، پاکستان پر روایتی الزامات دہرا دیے
بھارتی سازش ناکام، پاکستان کیلئے آئی ایم ایف کی ایک ارب ڈالر قسط منظور
