شیخ رشید حد میں رہیں،مریم کو مخاطب کرنا شیخ رشید کو مہنگا پڑے گا،رانا ثناء اللہ

باغی ٹی وی کی رپورٹ کے مطابق انسداد دہشتگردی عدالت میں نیب آفس کے باہر ہنگامہ آرائی کیس کی سماعت ہوئی،

مسلم لیگ ن کے رہنما،رکن قومی اسمبلی رانا ثناء اللہ عدالت میں پیش ہوئے جبکہ کیپٹن(ر)صفدر نے حاضری سے معافی کی درخواست دائر کی،عدالت نے رانا ثنا اللہ اورکیپٹن (ر)صفدرسمیت دیگر کی عبوری ضمانتوں میں12 اکتوبر تک توسیع کردی،

عدالت نے پولیس کو آئندہ سماعت تک ملزموں کی گرفتاری سے روک دیا،عدالت نے کیپٹن (ر)صفدر کی حاضری معافی کی درخواست منظور کرلی ،انسداد دہشتگردی عدالت نے آئندہ سماعت پرفریقین کو بحث مکمل کرنے کا حکم دیدیا۔

عدالت پیشی کے بعد میٍڈیا سے گفتگوکرتے ہوئے رانا ثناء اللہ کا کہنا تھا کہ حکومت کا جھوٹ اب نہیں چلے گا، مسلم لیگ ن کی لیڈر شپ کیخلاف کرپشن کا بیانیہ لایا گیا، کرپشن اور نیب کا بیانیہ پٹنے کے بعد غداری پر اتر آئے ہیں۔

رانا ثناء اللہ کا مزید کہنا تھا کہ حکومت مریم نواز کے گوجرانوالہ میں خطاب کا سن کر بوکھلاہٹ کا شکار ہے، جلسوں کے اعلان کے بعد حکومت کے ہاتھ پاﺅں پھول گئے ،حکومت بوکھلاہٹ کا شکار ہے، مریم نوازپر بھی انہوں نے مقدمہ درج کیا،وزیراعظم کی رضا مندی کے بغیر مقدمہ درج ہوا تو انہوں نے ذمہ داروں کیخلاف کیا ایکشن لیا؟ شیخ رشید حد میں رہیں، انہوں نے حد پار کی تو ان کو نقصان ہوگا، مریم نواز کو مخاطب کرنا شیخ رشید کو مہنگا پڑے گا، شیخ رشید کو میں نے خود نواز شریف کے پیچھے دم ہلاتے دیکھا۔

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ

رانا ثناء اللہ کا مزید کہنا تھا کہ کہ وزیراعظم آزاد کشمیر کو موجودہ پی ٹی آئی حکومت نے غدار قراردے دیا،انہوں نے سابق حکومت کو گالی دینے اور نیب کے ذریعے انتقام کے علاوہ کیا کیا؟،راناثنا االلہ نے کہاکہ یہ لوگ کہتے تھے نوازشریف واپس نہیں آئیں گے ،لیکن وہ پھر اقتدار میں آگئے ،شیخ رشید پرویز مشرف کے دور میں بھی کہتے تھے نواز شریف واپس نہیں آئیں گے۔ بھارت نے مقبوضہ کشمیر کی حیثیت کو ختم کرنے کی کوشش کی ، حکومت مودی کے خلاف ایک قرارداد بھی منظور نہ کراسکی، راناثنا اللہ نے کہاکہ اگر بھارتی ایجنٹ پاکستان آئے ہیں تو وہ آسمان سے اتر کرتو نہیں آئے ہوں گے۔بھارتی اگر یہاں سرگرمیاں کر رہے ہیں تو حکومت نے ایکشن کیوں نہیں لیا