fbpx

آریان کی جیل سے واپسی،شاہ رخ کا بیٹے کی کاؤنسلنگ کروانے کا فیصلہ

بالی ووڈ سٹار شاہ رخ خان اور ان کی اہلیہ گوری خان کا آریان کی رہائی کے بعد گھر واپسی پر بیٹےکے مکمل ہیلتھ چیک اَ پ اور کاؤنسلنگ کروانےکا فیصلہ کیا ہے۔

باغی ٹی وی : بھارتی میڈیا نے شاہ رخ خان کے ایک قریبی ذرائع کا حوالہ دیتے ہوئے بتایا ہے کہ شاہ رخ خان نےفیصلہ کیا ہے کہ وہ آریان کا مکمل ہیلتھ چیک اَ پ اور کاؤنسلنگ کروائیں گےتاکہ انہیں اس بات کی تسلی ہوجائےکہ ان کا بیٹا کسی قسم کی ذہنی اذیت میں مبتلا نہیں ہے۔

رپورٹ میں مزید بتایا گیا ہے کہ کیونکہ آریان جیل میں کھانا نہیں کھا رہا تھےاس لیے ان کی والدہ گوری خا ن نےفیصلہ کیا ہے کہ آریان کے خون کے ٹیسٹ کے بعد کسی اچھے نیوٹریشن کی ہدایت کے مطابق مناسب خوراک دی جائے گی۔

یاد رہے کہ رواں ماہ 2 اکتوبر کو نارکوٹکس کنٹرول بیورو (این سی بی) کی جانب ممبئی کروز شِپ پر چھاپہ مارا گیا جہاں بالی ووڈ کنگ شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں حراست لیا گیا رواں ماہ 3 اکتوبر کو نارکوٹکس کنٹرول بیورو (این سی بی) کی جانب سے اس خبر کی تصدیق کی گئی آریان خان سمیت دیگر افراد منشیات استعمال کرنے کے الزام میں زیرِ حراست ہیں۔

اس کے بعد شاہ رخ خان کے بیٹے اور دیگر زیرِ حراست افراد کا میڈیکل ٹیسٹ کیا گیا 4 اکتوبر کو آریان خان کی ضمانت کے لیے ممبئی کی خصوصی عدالت میں پہلی سماعت ہوئی جس میں آریان خان سمیت دیگر افراد کو 11 اکتوبر تک این سی بی کی حراست میں رکھنے کا حکم دیا گیا۔

7 اکتوبر ممبئی کی عدالت نے آریان خان سمیت دیگر 7 ملزمان کو 14 دن کی عدالتی تحویل میں بھیجا 8 اکتوبر کو آریان خان کو ممبئی آرتھر روڈ جیل منتقل کیا گیا 10 اکتوبر کو نارکوٹکس کنٹرول بیورو (این سی بی) نے شاہ رخ خان کے ڈرائیور کا بیان لیا۔

14 اکتوبر کو ممبئی کی عدالت نے آریان کی درخواستِ ضمانت پر فیصلہ محفوظ کر لیا۔

ممبئی کی عدالت نے آریان خان کو مزید 20 اکتوبر تک جیل میں رہنے کا حکم دیا11 اکتوبر کو ممبئی کی عدالت نے آریان خان کی درخواستِ ضمانت پر سماعت 13 اکتوبر تک ملتوی کی اور این سی بی سے اُن کا جواب عدالت میں جمع کروانے کا حکم دیا۔

20 اکتوبر کو ممبئی کی خصوصی عدالت میں آریان خان کی درخواستِ ضمانت پر سماعت ہوئی جس میں اُن کی ضمانت مسترد کردی گئی 21 اکتوبر کو بالی ووڈ کنگ شاہ رخ خان نے ممبئی کے آرتھر روڈ جیل میں اپنے بیٹے آریان خان سے ملاقات کی اسی دوران آریان خان کے وکیل نے ممبئی ہائی کورٹ سے آریان خان کی ضمانت کے لیے رجوع کیا۔

26 اکتوبر کو بمبئی ہائی کورٹ نے آریان خان کی درخواستِ ضمانت کی سماعت شروع کی لیکن فیصلہ نہیں سُنایا گیا 28 اکتوبر کو بالآخر ممبئی ہائی کورٹ کی جانب سے آریان خان کی درخواستِ ضمانت منظور کرلی گئی۔

Facebook Notice for EU! You need to login to view and post FB Comments!