شاہ رخ کی محبت میں جوان فلم کی دیپیکا پڈوکون

شاہ رخ خان کی محبت ہے کہ وہ مجھے کردار اور پراجیکٹس آفر کرتے ہیں.
0
76
deepika padukone

بالی وڈ اداکارہ دیپیکا پڈوکون نے اپنے حالیہ انٹرویو میں‌کہا ہے کہ مجھے جب شاہ رخ‌خان نے فلم جوان آفر کی تو اس میں‌میرا ایک مختصر کردار تھا، لیکن میرے پاس ہاں کہنے کے علاوہ کوئی دوسری آپشن تھی ہی نہیں، لہذامیں نے ہاں کر دی. انہوں نے کہا کہ نہ کرنے کی تو میں ویسے بھی نہیں سوچ سکتی تھی، سب جانتے ہیں کہ میرا اور شاہ رخ خان کا رشتہ کس نوعیت کا ہے. ہم ایک دوسرے کے بہت اچھے دوست ہیں اور میں نے اپنے کیرئیر کی پہلی فلم بھی شاہ رخ خان کے ساتھ ہی کی تھی.

انہوں نے مزید یہ بھی کہا کہ ”شاہ رخ خان کی محبت ہے کہ وہ مجھے کردار اور پراجیکٹس آفر کرتے ہیں”. دیپیکا پڈوکون نے کہا کہ شاہ رخ خان کی محبت تو ہے ہی لیکن اس فلم کو کرنے کی ایک وجہ اور بھی تھی وہ یہ کہ اس فلم کی کہانی بہت اعلی تھی .اداکارہ نے کہا کہ میں فلم کے حوالے سے منعقدہ اس تقریب کا حصہ بن کر اور ٹیم کی طرف سے سراہے جانے پر خوشی کے ساتھ فخر بھی محسوس کررہی ہوں، یاد رہے کہ فلم جوان نے ہندی سینما کی تاریخ کا سب سے بڑا بزنس کیا ہے.

ماہم شاہد فلم رب دی سوں میں کاسٹ

ایوارڈز کی تقریبات میں‌جانے کو کوئی فائدہ نہیں سونیا حسین

میوزک کمپنی ای ایم آئی نے میوزک سے وابستہ شخصیات میں رائلٹی چیک تقسیم کئے

Leave a reply