داعش کا صفایا کردیں گے، بڑا اعلان کردیا گیا

کابل (اے پی پی) افغانستان کے صدر اشرف غنی نے کہا ہے کہ داعش کے ٹھکانے تباہ کریں گے.

تفصیلات کے مطابق افغان صدر اشرف غنی نے کہا ہے کہ ان کا ملک داعش کے ٹھکانوں کا صفایا کر کے چھوڑے گا۔ یہ بات انہوں نے پیر کوکابل میں افغانستان کی آزادی کی سو سالہ تقریب سے خطاب کرتے ہوئے کہی۔ کابل میں ہفتے کی شب ایک خودکش حملے میں کم از کم 63 افراد ہلاک اور180 سے زائد زخمی ہو گئے تھے۔ اس واقعے کے بعد آزادی کی سرکاری تقریبات مانند پڑ گئیں اور افغانستان میں آزادی کا دن سادگی سے منایا گیا۔ کابل میں تازہ حملے کی ذمہ داری داعش کے مقامی دہشت گردوں نے قبول کی ہے۔ جس کے بعد اب افغان صدر اشرف غنی نے اعلان کیا ہے کہ داعش کے ٹھکانے تباہ کریں گے.

جواب چھوڑیں

آپ کا ای میل ایڈریس شائع نہیں کیا جائے گا.