fbpx

برطانیہ میں کرونا ٹھہراو:بورس جانسن نےاہم اعلانات کردیئے

لندن:برطانیہ میں کرونا ٹھہراو:بورس جانسن نے اہم اعلانات کردیئے،اطلاعات کے مطابق برطانوی وزیراعظم بورس جانسن نے اعلان کیا ہےکہ 21 جون تک لاک ڈاؤن کی تمام پابندیاں ختم کردی جائیں گی،لاک ڈاؤن 4 مرحلوں میں ختم کیاجائےگا، ہرمرحلےکے درمیان5 ہفتوں کا وقفہ ہوگا۔

بورس جانسن نے پارلیمنٹ کو بتایا کہ پہلا مرحلہ دوحصوں پرمشتمل ہوگا، 8 مارچ سےتمام اسکول کھل جائیں گے اور آؤٹ ڈورکھیلوں کی اجازت ہوگی، بعض اسکول ٹیسٹ کے انتظامات کے لیےکچھ تاخیر سےکھل سکتے ہیں۔

بورس جانسن کے مطابق 8 مارچ سے عوامی مقامات میں 2 افراد مل کرپکنک کرسکیں گے اور 29 مارچ سے 2 گھرانوں کے 6 افراد گھر سے باہر اور گارڈن میں ملاقات کرسکیں گے، 29 مارچ سے ٹینس، باسکٹ بال،گالف کورس اور فٹ بال گراؤنڈ بھی کھل جائیں گے۔

ان کا کہنا تھا کہ اگلے مرحلے میں 12 اپریل سے دیگر دکانیں، ہیئر ڈریسرز، جم اور آؤٹ ڈور مہمان نوازی کا شعبہ بھی کھل جائے گا، 17 مئی سے پب، ریسٹورنٹ اور سنیما کھل جائیں گے۔

بورس جانسن کا کہنا تھا کہ مرحلہ وارپابندیوں کو ختم کرنے سے قبل 4 شرائط کو لازمی پورا کرنا ہوگا، شرائط میں ویکسین پروگرام، اموات میں کمی، انفیکشن کی شرح اور نئے وائرس کی صورت حال شامل ہے۔

برطانوی وزیراعظم کا کہنا تھا کہ حکومت باقاعدگی سے اقدامات کا جائزہ لے گی، سماجی دوری کم کرنے اور بین الاقوامی سفرکی اجازت کا جائزہ لیا جائے گا

جواب چھوڑیں

آپ کا ای میل ایڈریس شائع نہیں کیا جائے گا.