ووٹ کی عزت کرنے والےڈرامے بازیاں بند کریں:عدم اعتماد تولائیں پھردیکھیں گے:بلاول بھٹو

0
22

رحیم یار خان:ووٹ کی عزت کرنے والےڈرامے بازیاں بند کریں:عدم اعتماد تولائیں پھردیکھیں گے:اطلاعات کے مطابق پاکستان پیپلز پارٹی کے چیئر مین بلاول بھٹو زرداری نے کا کہنا ہے کہ ووٹ کی عزت کرنے والے بزدار اور وفاق کیخلاف عدم اعتماد لیکر آئیں۔

رحیم یار خان میں پارٹی کارکنوں سے خطاب کرتے ہوئے بلاول بھٹو نے کہا کہ پیپلزپارٹی اورعمران خان کی معاشی پالیسی میں واضح فرق ہے، پیپلزپارٹی دورحکومت میں پوری دنیا میں معاشی بحران تھا،

رحیم یار خان میں پارٹی کارکنوں سے خطاب کرتے ہوئے بلاول بھٹو نے کہا کہ پی پی حکومت نے معاشی بحران میں عوام کولاوارث نہیں چھوڑا تھا، خان صاحب نے عوام کولاوارث چھوڑدیا، ہم نے اس وقت بے نظیرانکم سپورٹ انقلابی پروگرام شروع کیا

ان کا کہنا تھا کہ حکمران جنوبی پنجاب کا لولی پاپ دے رہے ہیں، صوبہ نہیں بنائیں گے۔ انہوں نے کرپشن کو90دن میں ختم کرنا تھا، آپ سب کوعمران خان کے وعدے یاد ہیں، جن کے پاس روزگارتھا ان سے روزگارچھینا گیا۔ ایک ظالم ،کٹھ پتلی سلیکٹڈ نے عوام کوتکلیف میں ڈالا ہے۔

پی پی چیئر مین کا کہنا تھا کہ سینیٹ الیکشن میں یوسف رضا گیلانی کوجتوا کرثابت کردیا عمران خان کے پاس اکثریت نہیں، افسوس ہمارے دوستوں نے لانگ مارچ نہیں کیا، ملکرکٹھ پتلی حکومت کوبھگاسکتے ہیں، اگرآپ کٹھ پتلی کونہیں بھگانا چاہتے توپھراستعفے ہی دیدیں، دوموقف نہیں ہوسکتے، درمیانی راستہ عوام کو قبول نہیں۔

ان کاکہنا تھا کہ پنجاب،بلوچستان،سندھ کے عوام پس رہے ہیں، اگرہم عوام کی توقعات پرپورا نہیں اتریں گے تومایوسی والی بات ہوگی، ہم جیالوں کے ساتھ ملکرخان صاحب کوبھگائیں گے۔ جیالے خان کوبھگانے کے لیے تیار ہیں۔

Leave a reply