fbpx

امریکا: اسٹور میں فائرنگ، 10 افراد ہلاک،متعدد زخمی

واشنگٹن: امریکی ریاست ورجینیا کے ایک اسٹور میں فائرنگ سے 10 افراد ہلاک ہوگئے۔

باغی ٹی وی : غیرملکی میڈیا کے مطابق ریاست ورجینیا کے شہر چیسی پیک کے ایک اسٹور میں گھس کر مسلح شخص نے فائرنگ کردی جس کے نتیجے میں متعدد افراد زخمی بھی ہوئے۔پولیس ترجمان کا کہنا ہے کہ حملہ آور بھی مارا گیا ہے۔ اسٹور سے ایمرجنسی کال موصول ہوتے ہی پولیس نے علاقے کو گھیرے میں لیا تھا۔ علاقے میں سرچ آپریشن جاری ہے۔ زخمیوں اورلاشوں کی اسپتال منتقلی کے لیے 40 سے زائد ایمرجنسی گاڑیاں موقع پر موجود تھیں۔

لیکن ایک پولیس افسر نے بتایا کہ 10 سے زیادہ افراد ہلاک اور متعدد زخمی ہوئے۔ پولیس نے نامہ نگاروں کو بتایا کہ حملہ مقامی وقت کے مطابق 22:12 (03:12 GMT) پر ہوا۔پولیس ترجمان لیو کوسنسکی نے کہا کہ خیال کیا جاتا ہے کہ فائرنگ اسٹور کے اندر ہوئی ہے اور مشتبہ شخص نے اکیلے ہی کارروائی کی۔والمارٹ نے کہا کہ وہ اس افسوسناک واقعے پر حیران ہے اور یہ کہ قانون نافذ کرنے والے اداروں کے ساتھ مل کر کام کر رہا ہے-

واقعے کے بعد، فوٹیج آن لائن سامنے آئی جس میں ایک عینی شاہد کو دکھایا گیا – جو والمارٹ یونیفارم پہنے ہوئےاس نے بتایا کہ وہ ایک اسٹاف روم سے نکلا تھا، جس میں ایک مینیجر نے گھس کر فائرنگ کی۔افسوس کی بات ہے کہ ہم نے اپنے چند ساتھیوں کو کھو دیا، اس شخص نے واضح کرتے ہوئے کہا کہ اسے نہیں معلوم کہ اس کے کتنے ساتھیوں کو گولی مار دی گئی۔

جوئٹا جیفری نامی خاتون نے سی این این کو بتایا کہ حملہ کے وقت ان کی والدہ عمارت کے اندر موجود تھیں، اور ٹیکسٹ پیغامات بھیجنے میں کامیاب ہو گئیں ان کی والدہ کو کوئی چوٹ نہیں آئی لیکن وہ صدمے میں تھیں۔ریاست ورجینیا کے سینیٹر ایل لوئیس لوکاس، جو ڈیموکریٹ بھی ہیں، نے مزید کہا کہ وہ "بالکل دل شکستہ” تھیں۔

جیل حکام خواتین قیدیوں کی عزتیں تارتارکرتے ہیں، پیدا ہونے والے بچوں کوقتل کردیا جاتا ہے،لاہورجیل سے خاتون قیدی کی ویڈیووائرل

سموگ کے تدارک کے لئے لاہور ہائیکورٹ نے حکومت سے کیا پوچھ لیا؟

مغل پورہ کی طرف جائیں آسمان کا رنگ ہی بدل جاتا ہے،لاہور ہائیکورٹ