نجی سکول کے طالبعلم پر نقاب پوش کا تشدد

0
23

شیخوپورہ (نمائندہ باغی ٹی وی) نجی سکول کے طالب علم پر نقاب پوش فرد کا حملہ، تھپڑوں اور ٹھڈوں سے زخمی کر دیا
اطلاعات کے مطابق ہاوسنگ کالونی برج والا روڈ پر واقع ایک نجی سکول کے طالب علم زکریا کو ایک نقاب پوش فرد نے تشدد کا نشانہ بنایا
تفصیلات کے مطابق متاثرہ طالب علم سکول سے چھٹی کے بعد گھر جا رہا تھا کہ راستے میں موٹر سائیکل سوار نقاب پوش فرد نے "ہمیں تمہاری شکایات مل رہی ہیں” کہہ کر تشدد کا نشانہ بنایا، متاثرہ طالب علم کے بقول اس نے اپنے دفاع میں نقاب پوش کو جوابی تھپڑ بھی مارے جس کے بعد وہ موقع سے فرار ہو گیا
متاثرہ طالب علم کے وارثان نے تھانہ ہاوسنگ کالونی میں اس بابت مقدمہ درج کروانا چاہا لیکن مقامی پولیس نے یہ کہہ کر انکار کر دیا کہ اس قدر معمولی بات پر مقدمہ درج کروانے سے تلخی بڑھے گی
جس پر وارثان نے سیاسی اثر و رسوخ کا استعمال کرتے ہوئے ڈی پی او شیخوپورہ تک رسائی حاصل کی، جس کے بعد مقامی کونسلر کے ڈیرے پر پولیس کی مدد سے معاملے میں افہام و تفہیم کا موڑ آیا اور مقامی پولیس نے نقاب پوش ملزم کو سی سی ٹی وی کیمروں کی ریکارڈنگ کی مدد سے تلاش کر لیا
سارے واقعے میں اس وقت دلچسپ صورتحال پیدا ہو گئی جب تفتیش پر معلوم ہوا کہ متاثرہ طالب علم کے سکول میں رنگ و روغن کرتے لڑکوں نے اسی سکول کے دیگر طلبہ کے کہنے پر نقاب پوش لڑکوں کی مدد سےطالب علم مذکورہ کو پھینٹی لگائی
کیونکہ دونوں طالب علم ایک ہی ٹیوشن سنٹر پر ٹیوشن لیتے تھے، جہاں آپسی چپقلش نے جنم لیا
یہ عقدہ کھلا تو سکول انتظامیہ کی دوڑیں لگ گئیں

Leave a reply