fbpx

تھانہ چورہ پولیس کی کامیاب کاروائی، مغوی سکول ٹیچر طلحہ بحفاظت بازیاب

مغوی سکول ٹیچر طلحہ 24گھنٹے کے اندر بحفاظت بازیاب ہو گئے۔ تھانہ چورہ پولیس نے کامیاب کاروائی کی۔ واقعہ میں ملوث ایک خاتون ملزمہ بھی گرفتار ہوئی ہے اور بازیاب سکول ٹیچر طلحہ کی موٹر کار بھی برامد کر لی گئی ہے۔
تفصیلات کے مطابق جمعہ کی شام کو تھانہ چورہ پولیس کو سکول ٹیچر طلحہ ولد سید افتحار احمد سکنہ زنڈو بانڈہ نوشہرہ کی آغوائیگی کی رپورٹ موصول ہوئی جس پر ڈی پی آو ڈاکٹر ذاہد اللہ نے واقعہ کا سختی سے نوٹس لیتے ہوئے ڈی ایس پی سٹی انعام جان خان کی سربراہی میں ایس ایچ او چورہ نضیف الرحمن ،ایس ایچ او رستم خائستہ الرحمن و دیگر پولیس آفسران پر مشتمل خصوصی ٹیم تشکیل دیا۔
جنہوں نے واقعہ کا باریک بینی سے جائزہ لیتے ہوئے ملوث ملزمان کے ٹھکانے تک رسائی حاصل کی اور مغوی سکول ٹیچر طلحہٰ کو بخفاظت بازیاب کیا۔
اس واقعہ میں ملوث ایک خاتون مسماة(ز) کو بھی گرفتار کیا۔ پولیس کو ابتدائی تفتیش میں معلوم ہوا کہ ملزمان اور مغوی کے مشران کے درمیان سابقہ دشمنی چلی آرہی تھی جس کی بنا پر اس کو آغواء کیا گیا۔ دیگر شریک واردات ملزمان کے خلاف کارروائیاں جاری ہیں۔جلد گرفتاری عمل میں لائی جائے گی۔

جواب چھوڑیں

آپ کا ای میل ایڈریس شائع نہیں کیا جائے گا.