سکھر میں ذخیرہ اندوزوں کے خلاف کریک ڈاؤن کے دوران 2 ہزار سے زائد چینی کی بوریاں برآمد کرلی گئی ہیں۔
باغی ٹی وی : ذرائع کا کہنا ہے کہ گودام سے گندم کی سینکڑوں بوریاں بھی برآمد ہوئی جبکہ علی واہن سے کھاد کی بوریوں کی بڑی کھیپ برآمد کی گئی ہے برآمد کردہ اشیاء کو اسٹالز لگا کر سستے داموں فروخت کیا جائے گا اور برآمد کردہ چینی 147 روپے فی کلو فروخت کی جائے گی۔
قبل ازیں سوات میں شوگر مافیا کے خلاف خفیہ اداروں کی نشاندہی پر ضلعی انتظامیہ سوات نے کارروائی کرتے ہوئے چینی کے بیگ برآمد کرلیے ہیں دوسری طرف ملاکنڈ میں بھی چینی کی ہزاروں بوریاں برآمد کی گئیں مینگورہ شہر کے مختلف بازاروں میں خفیہ گوداموں سے چینی کے 5000 سے زاٸد بیگ برآمد کیے گئے ہیں کارروائی کے دوران ذخیرہ اندوزی کرنے والے کٸی افراد گرفتار کیا گیا ہے، اے ڈی سی سوات کا کہنا تھا کہ ناجاٸز منافع خوروں کے خلاف کاررواٸی جاری رہےگی۔
نیوزی لینڈ نے ورلڈ کپ کیلئے اپنے اسکواڈ کا اعلان کردیا
بٹ خیلہ اور سخاکوٹ بازارمیں ذخیرہ اندوزوں کے خلاف کریک ڈاون کے دوران 34593 بوری چینی برآمد کرکے گودام سیل کردیا گیابٹ خیلہ بازار میں چینی کی 33113 بوریاں برآمد کی گئیں جبکہ سخاکوٹ میں 1480 بوریاں برآمد ہوئیں کارروائی کے دوران کھاد کی 2500 بوریاں بھی برآمد کی گئیں-
دوسری جانب گزشتہ روز پنجاب حکومت اور شوگر ملز مالکان کے درمیان چینی کی قیمت پر 3 روز سے جاری مذاکرات کامیاب ہوگئے نگراں وزیراعلی پنجاب محسن نقوی سے شوگر ملز مالکان کے وفد کی ملاقات ہوئی، ملاقات میں کرشنگ سیزن 28 اکتوبر سے شروع کرنے پر اتفاق کیا گیا شوگر ملز مالکان پنجاب حکومت کو 140روپے فی کلو چینی فروخت کریں گے۔
غربت سے تنگ 37 سالہ شخص نے خودکشی کرلی
محسن نقوی نے کہا کہ پنجاب حکومت سینٹرز، ماڈل بازاروں اور اتوار بازاروں میں چینی فروخت کرے گی،عوام کی مشکلات کا پورا احساس ہے، چینی کی قیمتوں میں کمی کا فائدہ براہ راست عوام کو ہوگا۔
