بیرسٹر سلطان محمود کی پانچ رکنی پارلیمانی وفد کے ہمراہ چودھری پرویز الٰہی سے ملاقات

0
21

آزاد جموں وکشمیر کے صد ر بیرسٹر سلطان محمود چودھری نے پانچ رکنی پارلیمانی وفد کے ہمراہ پنجاب اسمبلی آمد، سپیکر پنجاب اسمبلی چودھری پرویز الٰہی سے ملاقات کی-

باغی ٹی وی : تفصیلات کے مطابق سپیکرپنجاب اسمبلی نے صدر آزاد جموں و کشمیرکوپنجاب اسمبلی کے نئے ایوان اور مختلف شعبہ جات کا دورہ کر وایا بیرسٹر سلطان محمود چودھر ی کا پنجاب اسمبلی کی نئی عمارت کے فنگشنل ہونے پر مبارک باد اور ایوان کو قرآنی آیات اور احادیث مبارکہ سے مزین کرنے پر چودھری پرویز الٰہی کو خراجِ تحسین پیش کیا-

چودھری پرویز الٰہی نے کہا کہ پاکستان مسئلہ کشمیر کے منصفانہ حل کے لیے کوشاں ہے اور ہر فورم پر موثر انداز میں اس مسئلہ کو اجاگر کر رہاہے حصول آزادی کی جدوجہد میں کشمیری اکیلے نہیں ہیں بلکہ پاکستان کا بچہ بچہ ان کے ساتھ کھڑا ہے-

سپیکر چودھری پرویز الٰہی نے کہا کہ ظلم اور جبر سے کشمیریوں کو ان کے حق آزادی سے محروم نہیں کیا جا سکتا آزاد جموں و کشمیرکی موجودہ حکومت کشمیر کاز کو حل کرنے میں مد دگار ثابت ہو گی اور آزاد کشمیر میں ترقی و خوشحالی آئے گی-

بیرسٹر سلطان محمود چودھری نے کہا کہ ہندوستان نے کشمیریوں کی تحریک آزادی کو کچلنے کے لیے تاریخ انسانی کے تمام مظالم کو مات دے دی ہے صحت،تعلیم اور دہشت گردی جیسے مسائل پر اجتماعی کوششوں سے ہی قابو پایا جا سکتا ہے۔

صدر آزاد جموں وکشمیر نے کہا کہ کشمیر ی عوام بھارت کے پنجہء استبداد سے نجات حاصل کرنے کے لیے قربانیاں دے رہے ہیں۔

ملاقات میں ڈپٹی سپیکر پنجاب اسمبلی سردار دوست محمد مزاری اور سیکرٹری پنجاب اسمبلی محمد خان بھٹی بھی موجود تھےآزاد جموں وکشمیر کے پانچ رکنی پارلیمانی وفد میں ڈپٹی سپیکر ریاض گجرکے علاوہ قانون ساز اسمبلی کے ایم ایل ایز دیوان غلام محی الدین اور حافظ حامد ریاض شامل تھے-

Leave a reply