زمبابوے کرکٹ ٹیم پاکستان پہنچ گئی، کب تک رہے گی قرنطینہ میں؟

0
41

باغی ٹی وی کی رپورٹ کے مطابق زمبابوے کرکٹ ٹیم کا 20 رکنی اسکواڈ اور اسٹاف پاکستان کے دورے پر پہنچ گیا۔

پاکستان کرکٹ بورڈ حکام نے مہمان ٹیم کا اسلام آباد ایئر پورٹ پر استقبال کیا۔ زمبابوے ٹیم کے کھلاڑی 21 اکتوبر سے 27 اکتوبر تک اسلام آباد میں قرنطینہ میں گزاریں گے۔

پاکستان اور زمبابوے کے درمیان تین ون ڈے میچز کی سیریز کا آغاز 30 اکتوبر سے راولپنڈی اسٹیڈیم میں ہوگا۔ دوسرا ون ڈے یکم نومبر، تیسرا ون ڈے 3 نومبر کو راولپنڈی اسٹیڈیم میں ہی کھیلا جائے گا۔

پانچ نومبر کو زمبابوے کرکٹ ٹیم لاہور پہنچے گی۔ 7 نومبر کو پہلا ٹی ٹونٹی، 9 نومبر کو دوسرا اور 10 نومبر کو آخری ٹی ٹونٹی میچ ہوگا۔ زمبابوے کرکٹ ٹیم 12 نومبر کو اپنے وطن واپس روانہ ہوگی

گزشتہ روز چیئرمین زمبابوے کرکٹ تیوانگا موکلانی پاکستان پہنچے تھے،زمبابوے کرکٹ کے قائم مقام ایم ڈی گیومور ماکونی بھی پاکستان پہنچے ، اسلام آباد ائیرپورٹ پر دونوں مہمانوں کا استقبال ڈائریکٹر انٹرنیشنل پی سی بی ذاکر خان نے کیا

واضح رہے کہ پاکستان اور زمبابوے کی ٹیموں کے درمیان تین ون ڈے اور تین ٹی ٹوئنٹی میچز ہوں گے۔

پی سی بی کی جانب سے جاری شیڈول کے مطابق ملتان میں ہونے والے ون ڈے میچز اب راولپنڈی میں ہونگے جبکہ راولپنڈی میں شیڈول ٹی ٹونٹی میچزز لاہور میں ہونگے۔

چیئرمین زمبابوے کرکٹ تیوانگا موکلانی پاکستان پہنچ گئے، ٹیم کب پہنچے گی؟

Leave a reply