سنجے دت کے ساتھ شوٹنگ کے دوران سنیل شیٹی ہوٹلوں سے کیوں بھاگ جاتے تھے ؟

بالی وڈ اداکار سنیل شیٹی بالی وڈ میں سب سے زیادہ پسند کیے جانے والے اداکاروں میں سے ایک ہیں۔انہوں نے نوے کی دہائی میں ایکشن ہیرو کے طور پر فلم انڈسٹری میں‌قدم رکھا بعدازاں انہوں نے کامیڈی کردار بھی کئے اور ہر کردار میں خود کو منوایا. سنیل شیٹی نے حال ہی میں ایک انٹرویو دیا اس میں انہوں نے اپنے بہت پیارے دوست سنجے دت کے بارے میں بات کی . اور کہا کہ میری اور سنجے دت کی ہمیشہ سے ہی بہت اچھی دوستی رہی ہے اور رہے گی . انہوں نے یہ بھی کہا کہ سنجے دت ایک لاجواب اداکار ہونے کے ساتھ ساتھ لاجواب دوست بھی ہیں. انہوں نے کہا

کہ سنجے دت سکرین پر تو سنجیدہ نظر آتے ہیں لیکن ذاتی زندگی میں وہ نہایت ہی ہنس مکھ اور شرارتی ہیں . سنجے دت ایسا دوست ہے جو آپ کوجہنم سے بھی باہر نکال سکتا ہے . وہ اس حد تک دوستوں کا ساتھ دیتا ہے. انہوں نے کہا کہ اگر آپ راتوں کو اس کے ساتھ شوٹنگ کر رہے ہیں، یا تو آپ بیٹ مین بنیں یا آپ بھاگ جائیں۔ اور میں ہوٹلوں سے بھاگنے کا انتخاب کیا کرتا تھا۔ انہوں نے کہا کہ سنجے دت کے ساتھ گزرا وقت ہمیشہ ہی یادگار رہا ہے اور رہے گا .

Comments are closed.